Mika 1:13 - Udél Dwata: Gna Kesfasad ne Lomi Kesfasad

¹³ Yu kem tau bè Lakis, leket ye bè yó kem klitun gel nit bè gida yó kem kudà alì metlasik anì géhél ye mlóy. Yu se yóm tanay syudad bè Juda gna lemolò yó kem tau Israél bè yóm ktaba le ebè yó kem dwata kéng. Yu se malak yó kem tau bè Jirusalim mò du yóm salà yó.

Mika 1:13 Referans Kwoze

2 Bok Kem Tau Hol Geta 18:17

Lemwót yóm tau hol geta bè Asirya, wen tlu kmandér hógówen etu bè Jirusalim, mung kul yó kem tey sendalù wen le anì na le e nundug Hisikaya bè Jirusalim. Bè yóm kkól le ditu bè Jirusalim, tódô tenfeng le yóm lan gónó le gel hbukay nes yó kem tau gel mò nes bè kilil yóm kanal él lemwót bè yóm él senbusung le tofi ta.

2 Tutul Israél 32:9

Kogolen bè yó, yóm igò Sinakirib yóm tau hol geta bè Asirya ne yó kem sendaluen tolo mundug yóm benwu Lakis, wen bè yó kem genlalen hógówen ebè Jirusalim ebè Hisikaya yóm tau hol geta ne bè yó kem tau bè yó lem yóm syudad. Yó mon le,

Juswa 10:3

Ne yó gónó Adunisédék mdók tau ebè Hoham bè Hibron ne bè Piram bè Jarmut ne bè Jafiya bè Lakis ne bè Dibir bè Iglun, monen,

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

Mika 1:5

Yó gónón angat sut, lemwót bè kegsalà yó kem tau bè Israél ne yó kem tau bè Juda, hono kem tau là mimón ke Dwata. Tau du se dnuónen bè yóm là kimón le ke Dwata yó kem tau bè benwu Israél? Kaem yó se kem tau bè Samarya yóm dnuónen yóm yê yó kem syudad le. Gónón mbut se kehtahu le bè yó kem dwata kéng yó kem tau bè benwu Juda? Kaem mbut bè yó kem tau bè Jirusalim yóm yê yó kem syudad le.

Isaya 37:8

Timbow gungol yóm tau Asirya wen glalen yóm là bud knóen bè Lakis yóm tau hol geta gónón mogot, abay se deng bud mit sgida bè yóm sotu syudad moni bè yó boluyen Libna, yó gónón mógów ebè Libna se kun na a stulón du.

2 Tutul Israél 11:9

ne Adoraim ne Lakis ne Asika,

1 Bok Kem Tau Hol Geta 16:31

Tey mahil béléen lemolò du yóm kdê salà nmò Jirubuam ngà Nibat, ne yó sidek bud gotu nmoen yóm kyehenen ke Jisébél yóm ngà boi Itbaal yóm tau hol geta bè Sidon, ne gbót tmaba ebè yóm kul dwata kéng boluyen Baal.

1 Bok Kem Tau Hol Geta 14:16

Angat tódô bayà Dwata lu yó kem tau Israél lemwót bè yóm salà deng nmò Jirubuam, ne yóm deng kwiten kul mò salà yóm kdéen tau Israél.”

Kehewà 32:21

Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

1 Bok Kem Tau Hol Geta 4:28

Gomong nwit le snéen yóm mò ken yóm kdéen kudà nô lem kukub. Bud wen se lami nwit le mò gónó le hlilil.

Isaya 36:2

Ominen mdók yóm hol geta bè yó kem genlalen nô bè Lakis anì mógów ebè Jirusalim, mung du yó kem tey sendalù wen. Yó hmoen du nan e hgaga du Hisikaya anì heglaan bélê le. Bè yóm kkól le bè Jirusalim, tódô tenfeng le yóm lan gónó le gel mò nmò yó kem tau mò nes, bè yó bè yóm kanal él lemwót bè yóm él senbusung le tofi dta.

Job 39:10

Gbekem lemeket du dadu kô? Gbekem kô hdadu du? Neet.

Jirimaya 34:7

Bè yóm kdaw yó, tolo lel yó kem sendalù Babilun mundug yóm syudad Jirusalim, gomong Lakis ne Asika kem dù syudad bè Juda tolo mdà yóm beng hmilol kul. Là gomongen bè nili yóm bérs 8 kól bè bérs 22. Yó tulónen bè ni kem bérs ni, bè yóm deng gotu keslibut kem sendalù Babilun du yóm syudad Jirusalim wen udin nmò Sidikaya anì gotu hulék kem tau Israél yóm kdéen tau Hibru hesek le, logi duhen libun. Tahu se, nimón le yóm udin ni. Hyu nmò le lem Gónô Dwata ne hlan le bè boluyen. Okóm tikóng tnagak yó kem sendalù Babilun yóm syudad Jirusalim na le e gnida yó kem sendalù Idyip, ofo kul mon du yó kem tau bè Jirusalim ke là bud le semfulék ebè yó, yó kem sendalù Babilun. Yó nmò le, gotu bud nangay le yó kem hesek deng hulék le, bud hesek le lu. Lemwót bè yóm deng kulé le du yóm fasad deng nmò le lem Gónô Dwata lel le hlan du bè boluyen, yó gónó Dwata alì lembut kul. Yó gónón gotu bud hesfulék yó kem sendalù Babilun anì gotu hnatayen lu.