Mika 1:1 - Udél Dwata: Gna Kesfasad ne Lomi Kesfasad

¹ Bè yóm tehe kesetles le kmamal bè Juda le Jutam ne Ahas ne Hisikaya, wen udél Dwata ebè Mika, yóm tau lemwót bè yóm benwu udì boluyen Murisit. Hton Dwata du yóm angat gefet bè yóm lewu kem syudad Samarya ne Jirusalim.

Mika 1:1 Referans Kwoze

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Husiya 1:1

Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

Amus 1:1

Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Mika 1:5

Yó gónón angat sut, lemwót bè kegsalà yó kem tau bè Israél ne yó kem tau bè Juda, hono kem tau là mimón ke Dwata. Tau du se dnuónen bè yóm là kimón le ke Dwata yó kem tau bè benwu Israél? Kaem yó se kem tau bè Samarya yóm dnuónen yóm yê yó kem syudad le. Gónón mbut se kehtahu le bè yó kem dwata kéng yó kem tau bè benwu Juda? Kaem mbut bè yó kem tau bè Jirusalim yóm yê yó kem syudad le.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Husiya 4:15

Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Isaya 7:9

Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

Hbakuk 1:1

Ni se udél yóm sana Dwata hol gónó mogot ebè yóm sotu tugoden boluyen Hbakuk. Yóm kudélen ebéléen hlanen bè yóm htonen du.

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

2 Bok Kem Tau Hol Geta 18:1

Bè yóm getluhen halay kmamal bè Israél Husiya ngà Ila, yó bud tles kmamal bè Juda duhen Hisikaya ngà Ahas.

2 Tutul Israél 29:1

Yóm kbut Hisikaya mogot benwu Juda deng lewu folò limu ne halayen. Yó kegenen mogot benwu botong lewu folò syóm halay, ne bè Jirusalim gónón nô. Yó boluy yéen Abidya ngà Sikaraya libun.

Isaya 7:1

Wen sotu tau hol geta bè benwu Juda boluyen Ahas. Yóm Ahas ni ngà yóm tehe Jutam ne témê yóm tehe Usiya. Bè yóm kdaw kogoten benwu, wen lewu benwu slomong mit sgida bélê le. Yó boluy yóm sotu tau hol geta mit sgida bélê le, Risin yóm tau hol geta mogot benwu Sirya ne yóm sotuhen, Pika ngà Rimalya yóm tau hol geta mogot benwu Israél. Yó nmò le na le e nundug Jirusalim bede là kô le gemmò.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.