Matyu 9:8 - Udél Dwata: Gna Kesfasad ne Lomi Kesfasad

⁸ Timbow ton yó kem tau sbung nim nmò Jisas ni, tô le likò, lel le dmóyón ke Dwata bè yóm tey kfasang blayen bè tau.

Matyu 9:8 Referans Kwoze

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Matyu 15:31

Tey ketnga le du yó kem tau yóm kton le yó kem umew bud le gudél, yó kem tau tiked gotu bud hyu, ne yó kem tau tugô gotu bud mekteng kógów le, yó kem tau butô gotu bud mton. Ya tey kdóyón le ke Dwata, yóm kul gónó hemtahu yó kem tau Israél.

Kul Nmò 4:21

Okóm yó kem tau mogot kukum, mom milud kbólów le kul bè yóm ktolok le, omin le tódô hefewà kul. Là mlos le tmafak kul, abay se tey dê tau dmóyón ke Dwata lemwót bè yóm deng kehyu yóm tau kihod.

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kun Snulat Luk 17:15

Wen sotu bélê le bè yóm ktonen du yóm deng kkó yóm desen, tódô mlóy semfulék ebè Jisas, ya tey kdóyónen ke Dwata, tey kehgelen udélen.

Mark 2:12

Ne tahu se, bè yóm igò le temngel, tódô btik yóm tau yó koni, ne nwahen yóm tehe gónó le semtihang du, ne tódô lemwót mulék. Ya tey keseftaw le du, ne tey kdóyón le ke Dwata, mon le, “Là kô deng sulék ton me du kum nim ton me ni.”

Glasya 1:24

Yó gónóm mon, tey kdóyón le ke Dwata bè yóm deng kbalingu hemtahu bè Jisas.

Kun Snulat Jan 15:8

Yó gónón megdóyón Mà ke hol ye mungu, ne yó se gónón gdilô yóm klolò ye do.

Kun Snulat Luk 13:13

Omin Jisas menok du yóm libun yó, ne tódô henmungen se btol yóm kwangen, ne ya tey kdóyónen ke Dwata.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Matyu 12:23

Ya tey ketnga le du yó kem tau sbung bè yó, mon le, “Déke ni yóm mon le semfu gu bè yóm tehe Dabid.”

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Matyu 9:7

Ne tahu se. Tódô btik yóm tau yó koni, ne tódô mulék ebè gónóen.

Kun Snulat Luk 2:20

Omin le gotu mulék yó kem semgyok ubiha. Ya tey kesngal le, dóyón le Dwata bè yóm deng gungol le ne bè yóm deng ton le. Tódô tahu edu yóm deng tulónen kul yóm hógów Dwata.

Kun Snulat Luk 17:18

Tek sónen u ne kô yóm semfulék na a dmóyón ke Dwata? Lelem là Ju he kóm.”

Kun Snulat Luk 18:43

Ne tahu se, tódô sen-gengen se bud mton yóm tau tehe butô yó, ne tey kdóyónen ke Dwata, ne tódô henmung loloen Jisas. Timbow ton yó kem tey genged tau, tódô kdê le se gotu dmóyón ke Dwata.

2 Kurin 9:13

Bè yóm keblay ye, yó se gónón gfan yóm kehtahu ye ke Krays. Angat tey dê tau dmóyón ke Dwata lemwót bè yóm kimón ye du yóm Tulón Hyu lemwót bè Krays. Dóyón le Dwata snéen bè yóm tey któbóng ye kul, dalang se yó kem dumu tau tnóbóng ye.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.