Matyu 9:6 - Udél Dwata: Gna Kesfasad ne Lomi Kesfasad

⁶ Ni naw hton kuy yóm kwen kwalisen hmifót salà yóm Ngà Tau yóm igoen tolo nô te tonok.” Ne omin Jisas bud mudél ebè yóm tau deng matay sfu lówóhen yó, monen mò du, “Mdai ne, Man, ne nitem yóm gónó le mit kóm yóó, ne muléki ebè gónóem.”

Matyu 9:6 Referans Kwoze

Matyu 9:5

Là kóen na a mahil mon du, ‘Hnifótu ne yó kem salaem.’ Ne là se kóen mahil mon du, ‘Btiki, ne mógówi.’

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

2 Kurin 2:10

Ke deng hnifót ye salà yóm tau yó, hnifótu snéen do. Bè yóm kehlifótu du, ke wen tô hnifótu se dou, tódô nmou bè solu Krays anì bud baling hyu lem blóng ye.

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Kul Nmò 9:34

Mudél ebéléen Pitér, monen, “Ó Wè Aniyas, Jisas Krays fen hkó du béléem yóm desem. Btiki ne, ne hentifesem yóm gónóm hlilil.” Tahu se, tódô kendel hboluk btik Aniyas.

Kul Nmò 5:31

Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Kun Snulat Luk 5:21

Bong yó kem gel tmolok hlau ne yó kem Farisi, bè yóm kungol le du yóm udél Jisas yó, yó hendem le, “Tmau du mni? Mom hsengeden knóen bè Dwata. Laen kô dù tau gembek hmifót salà, tek són sem Dwata.”

Mark 2:10

Ni naw hol hton kuy yóm kwen kwalisen hmifót salà yóm Ngà Tau yóm tolo knóen te tonok.” Ne omin Jisas mon du ebè yóm tau deng matay sfu lówóhen yó koni, monen,

Mark 2:7

“Moen ke lómón ni kudélen tau ni? Kóem hsengeden knóen bè Dwata. Laen kô dù tau gembek hmifót salà, tek són Dwata.”

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Matyu 9:7

Ne tahu se. Tódô btik yóm tau yó koni, ne tódô mulék ebè gónóen.

Kun Snulat Jan 5:8

Tódô mon Jisas mò du, “Btiki, lenulunem igamem, ne mógówi.”

Kun Snulat Jan 5:27

Ne deng benlayen kwalis yóm Ngaen mò kmukum kdéen tau lemwót bè yóm deng kbalingen Ngà Tau.