Matyu 9:5 - Udél Dwata: Gna Kesfasad ne Lomi Kesfasad

⁵ Là kóen na a mahil mon du, ‘Hnifótu ne yó kem salaem.’ Ne là se kóen mahil mon du, ‘Btiki, ne mógówi.’

Matyu 9:5 Referans Kwoze

Kul Nmò 3:16

Tódô lemwót bè kfasang yóm kun boluy gónón baling wen kgisen mdà nim tau ni. Deng hónô tngón ye yóm tehe kkihoden, ne deng ton ye snéen yóm deng kkóhen, hlan me bè boluy Jisas. Tódô lemwót bè kehtahu me bè Jisas gónón bud baling hyu nim tau ni. Deng gotu ton ye se nim ni.

Kul Nmò 9:34

Mudél ebéléen Pitér, monen, “Ó Wè Aniyas, Jisas Krays fen hkó du béléem yóm desem. Btiki ne, ne hentifesem yóm gónóm hlilil.” Tahu se, tódô kendel hboluk btik Aniyas.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Matyu 9:6

Ni naw hton kuy yóm kwen kwalisen hmifót salà yóm Ngà Tau yóm igoen tolo nô te tonok.” Ne omin Jisas bud mudél ebè yóm tau deng matay sfu lówóhen yó, monen mò du, “Mdai ne, Man, ne nitem yóm gónó le mit kóm yóó, ne muléki ebè gónóem.”

Mark 2:5

Tikóng ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen yó, “Ó Man, deng hnifótu ne yó kem salaem.”

Kun Snulat Luk 5:20

Tikóng ton Jisas yóm alì kehtahu le béléen, yó gónón tódô mon du ebè yóm tau là gógówen yó, “Deng hnifótu ne, Wè, yó kem salaem.”

Kun Snulat Luk 7:48

Ne omin Jisas mudél ebè yóm libun, monen mò du, “Yó ne, Lenibun, deng hnifótu ne yó kem salaem.”