Matyu 9:36 - Udél Dwata: Gna Kesfasad ne Lomi Kesfasad

³⁶ Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Matyu 9:36 Referans Kwoze

Lista 27:17

yóm tau gbeken malak kul ebè gida anì là mkél le bè yó kem ógóf laen dù malak kul.”

Mark 6:34

Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Matyu 15:24

Omin Jisas mudél ebè yóm libun, monen, “Tek són ebè yó kem tau Israél gónó Dwata e hógów dou, yakà mkél le bè yó kem ubiha tabag.”

2 Tutul Israél 18:16

Omin Mikaya mon du mò du, “Wen hton Dwata dou. Tódô tonu yóm kdéen tau Israél, deng le gotu sekla ta yó kem bulul lómón ke kem ubiha laen dù tau bud semgyok kul. Ne yó mon Dwata, ‘Laen dù tau malak kul ni kem tau ni, deng matay. Hulékem lu anì menek nawa le.’ ”

Hibru 5:2

Yóm tau gel blóng le ebè Dwata yó, sal gel wen gónón lunog snéen kun. Yó gónóm mon, tey kganag nawahen bè yó kem dumuhen tau wen kul salà là gehedem le du.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Matyu 10:6

Yó gónó ye e mógów ebè tu kem kwen tekuy tau Israél, abay se hol lómón tô le ubiha tabag.

1 Bok Kem Tau Hol Geta 22:17

Omin Mikaya mon du mò du, “Wen hton Dwata do. Tódô tonu yóm kdéen tau Israél, deng le gotu sekla ta yó kem bulul lómón tô le kem ubiha laen dù tau mentey kul. Ne yó mon Dwata, ‘Deng matay yóm tau malak kul. Hulékem lu anì menek nawa le.’ ”

Mark 8:2

“Tey kkoduhu kul ni kem tau ni. Deng tlu kdaw le ni ne nô béléu bè ni, ne laen kô dù bud ken le.