Matyu 9:33 - Udél Dwata: Gna Kesfasad ne Lomi Kesfasad

³³ Timbow hdó Jisas yóm tulus seitan nô béléen, tódô bud gudél se yóm tau yó. Tey ketnga le du yó kem tau sbung bè yó, mon le, “Là kô deng wen ton tekuy bè klamangen Israél deng mò du yóm kun nmò nim tau ni.”

Matyu 9:33 Referans Kwoze

Kun Snulat Luk 11:14

Sotu kdaw, hdó Jisas yóm busaw humew yóm sotu tau. Tikóng deng hdóhen, tódô bud mudél se yóm tau tehe umew yó. Tey keseftaw le du yó kem tau sbung bè yó.

Isaya 35:6

Yó kem hikot, angat le bud gehkak ne madal. Ne yó kem umew angat le gudél, tey kehligal le botong le gehsag. Ne yóm benwu tehe laen dù élen, angat wen kem él mlel du.

Kun Snulat Luk 7:9

Timbow gungol Jisas yóm udél yóm kfitan yó, botong tnga. Ne ominen beklil smolu ebè yó kem tey tau wen lemolò du, monen mò kul, “Balù sotu bélê tekuy kem tau Israél, là kô deng wen tonu ke lómón ni kmò kehtahuhen.”

Jirimaya 32:20

Bè yóm gnan kdaw, tey wen yó kem hentaw ton tehe nmoem bè yó bè Idyip. Ne efet yóm kmoen ni tendo wen gel nmoem bè ni bè benwu Israél dalang se bè yóm kdê dumu benwu bè klamangen. Yó gónóm mon, tey tótól yóm kóm boluy efet yóm kmoen ni.

Kem Lingón 76:1

Tey tótól Dwata bè benwu Juda. Tey megdóyón boluyen bè benwu Israél.

2 Bok Kem Tau Hol Geta 5:8

Okóm timbow gungol Ilaysa yóm tau Dwata, yóm deng keksê yóm tau hol geta du yóm nesen, yó gónón hemwit udél ebéléen, monen, “Moen du ke kenséem nesem? Hógówem edini yóm tau yó, tódô tngónen he wen tahu tugod Dwata bè ni bè Israél.”

Mark 2:12

Ne tahu se, bè yóm igò le temngel, tódô btik yóm tau yó koni, ne nwahen yóm tehe gónó le semtihang du, ne tódô lemwót mulék. Ya tey keseftaw le du, ne tey kdóyón le ke Dwata, mon le, “Là kô deng sulék ton me du kum nim ton me ni.”

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.

Matyu 9:32

Hol le se lemwót yó kem lewu tau tehe butô yó koni, wen dumu tau bud gdek ebè Jisas, wen nwit le tau là buden gudél lemwót bè yóm tulus seitan malak du.