Matyu 9:28 - Udél Dwata: Gna Kesfasad ne Lomi Kesfasad

²⁸ Timbow kól lem yóm gónô gónón e solu Jisas, kól le se béléen yó kem lewu tau butô yó koni, ne wen snólók Jisas bélê le, monen, “Hentahu ye kô yóm kegbeku hton kuy?” Bnalà le se, mon le, “Hentahu me se, Sér.”

Matyu 9:28 Referans Kwoze

Matyu 9:22

Unin mdù du, beklil se Jisas, ne tódô tonen yóm libun yó, monen mò du, “Hgelem nawam ne, Lenibun. Yóm kehtahuhem béléu, yó se gónón mkó yóm desem.” Ne tahu se, tódô sennganen se mkó yóm desen.

Matyu 8:2

Wen tau gemnóm des mifù hloni ebéléen, ne tódô tuden bukolen bè soluhen, ne hkodu béléen, monen mò du, “Ó Sér, ke yó dum móyói, kaem gbekem tódô hkó du nim desu ni.”

Kun Snulat Jan 11:40

Ne bnalà Jisas se, monen, “Hentulónem nawa yó dém deng monu mò kóm eginu, ke hemtahuhi béléu, tonem yóm kun kfasang Dwata.”

Kun Snulat Jan 11:26

Senged se yóm tau tolo mowil, ke hemtahu béléu, là kóen na a matay. Hentahuhem kô ni?”

Matyu 13:58

Lemwót bè yóm là kehtahu le du, là holen wen hentaw ton nmò Jisas bè yó.

Matyu 8:14

Kewót Jisas bè yó, hlós ebè gónô Pitér. Kól bè yó, tódô glohen tuón Pitér libun gemnóm des kinì là lembó.

Matyu 13:36

Kewót Jisas bè yó, tnagaken yó kem tey tau wen, ominen husek elem gónô. Mógów le ebéléen yó kem gel lemolò du, ne mon le mò du, “Tulónem kum kun lanen yóm hningónem bè yóm halay wen kluon gbol lemen.”

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Matyu 9:29

Omin Jisas mnok bè mata le, monen, “Yó ne, guta ye balaen ne yóm deng kehtahu ye yó.”

Matyu 13:1

Bè yóm kdaw yó, lemwót bè gónô Jisas, mógów etu bè kilil yóm lanaw, ne myón ne tmolok bè yó.

Kul Nmò 14:9

Myón bè yó se kun ne hmungol yóm ktolok Pol. Tódô dilô Pol béléen yóm kehtahuhen du yóm kegbek Jisas mkó yóm desen. Yó nmò Pol, tódô hmunu temngel ebéléen,

1 Bok Kem Tau Hol Geta 17:16

Balù nô kbong yóm tnógóhen, là kóen mtón yóm arina nô lem tukungen dalang se yóm hnolo nô lem sobuy, lómón yóm deng fasad Dwata hlanen bè Ilaydya.