Matyu 9:26 - Udél Dwata: Gna Kesfasad ne Lomi Kesfasad

²⁶ Tódô lengeben klamangen benwu le gónón e mból yóm deng nmò Jisas yó.

Matyu 9:26 Referans Kwoze

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Mark 1:45

Okóm bè yóm deng kulék yóm tau yó, deng mom tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen tendo seklot ebéléen. Yó nmoen, tódô gel htólóng ebè yó kem benwu laen dù tauhen. Ewenem yó, sana tey kwen tau lemwót bè ket benwu tendo gel mógów ebéléen.

Kul Nmò 26:26

Omin Pol beklil ebè Agripa, monen, “Senged se kóm, Sér, là kóe na a likò tmulón du kóm ni kem ni. Kegnómu du deng gotu tngónem kóm nim monu ni, abay se laen kô dù tau bè benwu tekuy ke là tngónen du.

Mark 6:14

Ngangen mból yóm gel nmò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bè yóm gel nmoen. Wen se mon du, “Deng bud mowil yóm Jan tehe mabtays, yó gónón wen ktueden mò du yó kem hentaw ton gel nmoen.”

Matyu 9:31

Okóm bè yóm kulék le, deng mom sensból le bè klamangen yóm benwu yó yóm deng nmò Jisas bélê le.

Mark 1:28

Ya tey kestulón le du yóm nmò Jisas, tódô kendel lengeben klamang prubinsya Galili.

Kun Snulat Luk 4:14

Kewót Jisas bè yó, mulék ebè Galili, ne nô béléen yóm kfasang yóm Tulus Dwata. Gotu gefet ebè tu kem benwu hmilol yóm kehból le yóm gel nmoen.

Kun Snulat Luk 4:37

Ne tódô ket tu kem benwu hmilol gotu temngón du yóm deng nmò Jisas yó.

Kun Snulat Luk 5:15

Okóm mom temnù ne yóm alì kehból le du yóm gel nmò Jisas, ne deng mom lenwéen yóm tau na a hmungol du, lel le hkó du béléen yó kem des le.

Kun Snulat Luk 7:17

Ne tódô lenngeben yóm klamang yóm benwu le gónón e glalag yóm nmò Jisas yó, kkólen bè yó kem dumu benwu hmilol du.