Matyu 9:24 - Udél Dwata: Gna Kesfasad ne Lomi Kesfasad

²⁴ Là kóen deng matay he yóm ngà libun yó, tódô olon tungô.” Okóm deng mom són mò le hemkéng du yóm mon Jisas yó.

Matyu 9:24 Referans Kwoze

Kul Nmò 20:10

Okóm mnaul elaan Pol, tódô lemfen ta yóm ngà logi yó, ne lenkefen, monen, “Bê ye htafa nawa ye. Tolo mowil he.”

Kul Nmò 9:40

Na gotu hefewà Pitér lu yó kem libun yó. Ominen mtud bukolen, ne mni bè Dwata. Deng knihen, tódô beklil ebè yóm matay, monen mò du, “Ó Tabita, btiki ne.” Tahu se, tódô kendel henmungen mukat yóm libun yó. Bè yóm ktonen ke Pitér, ominen tódô hboluk myón.

Kun Snulat Jan 11:4

Yóm kungol Jisas du yóm tinok le yó, mom monen, “Là hatay du he nefeten yóm des Lasarus yó, okóm yó gónón gemnóm des mò gónón megdóyón Dwata, ne mò gónón megdóyón yóm Ngà Dwata snéen.”

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Mark 5:40

Deng mom henkéng le Jisas yó kem tau yó. Omin Jisas gotu hewà kul, tek són mà yóm ngà ne yéen ne yó kem tlu tau gel lemolò du nwiten elem tum dfél gónón nô yóm ngà.

Kun Snulat Luk 8:53

Deng mom henkéng le Jisas, abay se deng tódô ton le katayen yóm ngà yó.