Matyu 9:23 - Udél Dwata: Gna Kesfasad ne Lomi Kesfasad

²³ Ne omin Jisas hlós ebè gónô yóm tau wen glalen yó koni. Timbow le kól bè yó, husek elemen, ne tódô tonen yó kem tau stifun tô na a mung lembeng, lel tey kehebnes le. Mon Jisas mò kul, “Na ye hewà bè ni kdê ye.

Matyu 9:23 Referans Kwoze

2 Tutul Israél 35:25

Wen kem lanu nmò Jirimaya bè yóm katay Jusaya, ne efet nim kmoen ni sana gel kesngal le du, libun duhen logi mò gónó le hemtulón du nawa yóm katayen. Nim sngal langag ni, tódô hlós adat lolò le bè Israél, ne deng snulat le bè Bok Lanu.

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Kun Snulat Luk 7:32

Hol ye mkél bè yó kem ngà là mdengen lem fedyan, tnaba le yó kem dumu le, mon le, ‘Deng me hningón mulu, lel me tembol, là sem dog ye móyô madal. Ne deng me hningón modung, lel me lemanu, là sem dog ye langag.’

Matyu 11:17

‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

Kul Nmò 20:10

Okóm mnaul elaan Pol, tódô lemfen ta yóm ngà logi yó, ne lenkefen, monen, “Bê ye htafa nawa ye. Tolo mowil he.”

Deng Hegfan 18:22

Là bud gungolem du bè yóm benwu yó ne yóm uni heglung, duhen ke udél tau stulón, duhen ke uni sloli, duhen ke uni féw. Ne laen se kô dù bud tonem bè yó ne yó kem dê kenhulung gel nmò tau. Ne là kô bud gungolem du bè yó ne yóm uni mdek.