Matyu 9:22 - Udél Dwata: Gna Kesfasad ne Lomi Kesfasad

²² Unin mdù du, beklil se Jisas, ne tódô tonen yóm libun yó, monen mò du, “Hgelem nawam ne, Lenibun. Yóm kehtahuhem béléu, yó se gónón mkó yóm desem.” Ne tahu se, tódô sennganen se mkó yóm desen.

Matyu 9:22 Referans Kwoze

Kun Snulat Luk 7:50

Ne bud mon Jisas ebè yóm libun yó, monen, “Yóm kehtahuhem béléu, yó se lemwà kóm lem salaem. Muléki ne, Dwata he henek nawahem.”

Matyu 15:28

Omin Jisas mon du mò du, “Tey bong kehtahuhem, Lenibun. Yó ne, deng gutahem ne yóm hnihem béléu.” Tahu se, tódô sen-gengen se mkó des yóm ngà yóm libun yó.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Kun Snulat Luk 18:42

Mon Jisas mò du, “Mtoni sen. Bè yóm kehtahuhem béléu, yó se gónóm bud mton.”

Kun Snulat Luk 17:19

Ne yó bud mon Jisas mò du, “Mdai ne, Wè, ne hlósi. Yóm kehtahuhem béléu, yó se gónóhen mkó yóm desem.”

Kun Snulat Luk 8:48

Mon Jisas mò du, “Yóm kehtahuhem béléu, Lenibun, yó se gónón mkó yóm desem. Tu ne, muléki. Dwata he henek nawahem.”

Mark 10:52

Mon Jisas se mò du, “Yó ne, lemwót bè yóm kehtahuhem béléu, yó gónóm bud mton. Lemwóti ne.” Ne tahu se, tódô sen-gengen se bud mton yóm tau butô yó, ne tódô loloen Jisas.

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”

Matyu 9:29

Omin Jisas mnok bè mata le, monen, “Yó ne, guta ye balaen ne yóm deng kehtahu ye yó.”

Kul Nmò 16:18

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.

Kun Snulat Jan 4:53

Tódô gbel bè nawa maen, yó se yóm hol kmò kdaw tehe kmon Jisas du mò du, “Bud mowil he yó tum ngaem.” Tódô hentahuhen Jisas se yóm tau yó, dalang se yóm kdê fes lówóhen, gotu le hemtahu se kul.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Kul Nmò 14:9

Myón bè yó se kun ne hmungol yóm ktolok Pol. Tódô dilô Pol béléen yóm kehtahuhen du yóm kegbek Jisas mkó yóm desen. Yó nmò Pol, tódô hmunu temngel ebéléen,

Matyu 17:18

Tódô hdó Jisas yóm gel malak yóm ngà yó, ne sen-gengen se tódô hyu yóm ngà.

Matyu 8:13

Ne bud beklil Jisas ebè yóm kfitan yó koni, monen mò du, “Muléki ne. Tonem bunguhen he yóm deng kehtahuhem.” Ne tahu se, tódô sen-gengen se mkó des yóm tau mò nmò bè yóm kfitan yó.