Matyu 9:18 - Udél Dwata: Gna Kesfasad ne Lomi Kesfasad

¹⁸ Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Matyu 9:18 Referans Kwoze

Matyu 8:2

Wen tau gemnóm des mifù hloni ebéléen, ne tódô tuden bukolen bè soluhen, ne hkodu béléen, monen mò du, “Ó Sér, ke yó dum móyói, kaem gbekem tódô hkó du nim desu ni.”

Kun Snulat Luk 13:14

Okóm yóm tau hol mogot yóm gónô stifun bè yó, deng mom lembut lan Jisas hkó des bè yóm Kdaw Kehegnô. Yó udélen ebè yó kem tau bè yó, monen, “Igò sem nem kdaw du hol gel kmò tekuy nmò, yó dé tnana kehkó ye des. Béen mom bè yó dum Kdaw Kehegnô.”

Kun Snulat Jan 11:32

Timbow kól bè Jisas Midi, tódô hegluduk bè soluhen ne monen, “Ó Sér, là kóen matay he tum logi me ke tehehi nô dini.”

Matyu 9:24

Là kóen deng matay he yóm ngà libun yó, tódô olon tungô.” Okóm deng mom són mò le hemkéng du yóm mon Jisas yó.

2 Bok Kem Tau Hol Geta 5:11

Okóm mom lembut Naaman, tódô lemwót, monen, “Ofo do ke hewà ebéléu, ne mni béléu bè yóm Dwatahen, ne ke diwelen sigelen eta yóm desu anì mkó yóm des mifuu.

Kul Nmò 13:15

Wen senfala yó kem tau malak bè yó lemwót bè yóm hlau Musis ne bè yóm snulat yó kem gna tugod Dwata ekni. Tikóng deng kesfala le, wen udél hgefet le bè le Pol, mon le, “Ó kem dumu me setwoli, móyô me ke wen tulón ye mò gónó ye gemduf kum.”

Kun Snulat Jan 11:25

Bud mon Jisas mò du, “Ou se gónón mowil tau gu lem hatay, ne bud ou se bemlay kul klowil. Yó se hemtahu béléu, anien ke deng matay, kaem bud mowil.

Kun Snulat Luk 18:18

Wen sotu tau gónó le gel kmulu yó kem Ju mudél ebè Jisas, monen mò du, “Ó Sér, uu se tau alì hyu kmoen. Wen tô snólóku béléem. Boluy se tô nmou du anì gutahu yóm klowil laen dù sónen?”

Kun Snulat Luk 7:2

Ne wen kfitan nô bè yó lemwót bè Rom, wen sotu tau mò nmò béléen alì kenbong nawahen. Tey sidek kleed desen, móyónen tô matay.

Matyu 28:17

Timbow ton le Jisas bè yó, ya tey kdóyón le du. Okóm wen se bélê le tolo megewu nawa le du yóm deng bud klowilen.

Matyu 17:14

Tikóng le deng bud semfulék ebè yó kem tey tau sbung le Jisas, wen sotu tau sut béléen, tódô tuden bukolen bè soluhen, monen mò du,

Matyu 15:25

Okóm tódô hegluduk bè ti Jisas yóm libun yó, monen, “Hol tnóbóngem o sen, Sér.”

Matyu 14:33

Yó kem dumu gel lemolò ke Jisas nô lem yóm ówóng yó, botong tud le bukol le bè soluhen, mon le, “Tahu uu se yóm Ngà Dwata.”

Matyu 20:20

Timbow kogolen bè yó, mógów bè Jisas tuha libun Sibidi, mung du lewu ngaen logi. Tódô tuden bukolen bè solu Jisas, wen tô nóyô hnihen béléen.

Matyu 8:25

Tódô le mógów ebéléen yó kem gel lemolò du na le e bentik, mon le mò du, “Ó Sér, tnóbóngem mi. Hatay tekuy ni.”

Matyu 9:17

Ne sotuhen, laen kô dù tau ke ilihen elem yóm sning kulit ógóf deng legen yóm tifas hanà lomi. Kmoen yóm tifas yó ke kmodok, ne mom btù yóm gónóhen e mili du, abay se lemtò bè yóm deng kkodoken. Ne gotu gamà yóm tifas, ne baling sidek yóm gónóhen nô. Yó dé kun yóm tifas ke hanà tolo lomi, ilihem bè yóm sning kulit ógóf hanà tolo lomi snéen. Ke yó se kmoem du, là kóen btù yóm sning kulit ne là se gamaen yóm tifas.”

Matyu 9:19

Tahu se, tódô mung du Jisas ne yó kem gel lemolò du.

Kul Nmò 28:8

Bede yóm mà Publiyus, wen desen, kinì ne mkê litô. Glok Pol na a mógów ebéléen, ne mni béléen bè Dwata, ne nenoken. Tódô mkó se yóm desen.