Matyu 9:17 - Udél Dwata: Gna Kesfasad ne Lomi Kesfasad

¹⁷ Ne sotuhen, laen kô dù tau ke ilihen elem yóm sning kulit ógóf deng legen yóm tifas hanà lomi. Kmoen yóm tifas yó ke kmodok, ne mom btù yóm gónóhen e mili du, abay se lemtò bè yóm deng kkodoken. Ne gotu gamà yóm tifas, ne baling sidek yóm gónóhen nô. Yó dé kun yóm tifas ke hanà tolo lomi, ilihem bè yóm sning kulit ógóf hanà tolo lomi snéen. Ke yó se kmoem du, là kóen btù yóm sning kulit ne là se gamaen yóm tifas.”

Matyu 9:17 Referans Kwoze

Kem Lingón 119:83

Laen dù bud muhu ne, hol lómón ke mkéle bè yóm sning kulit deng sidek. Balù lómón ni kmou, là kô klifótu du yó kem hlauhem.

Juswa 9:4

yó atul le, snukat le Juswa anì là gomong le matay. Wen tau hógów le ebéléen. Yó nmò ni kem tau ni, wen sakù bolok nlem le ken ne hlulón le yó kem kudà asnu le. Ominen wen sning kulit deng knefeng nwit le nlem le él.

Job 32:19

Ke là mudéle, lómón kegnómu du lómón ke gbà kfuhu, lómón yóm sning kulit btù ke tolo kmodok yóm ninum nô lemen.

Matyu 9:16

Ne wen bud tulón Jisas kul bè yóm là kehyu sembool du yóm kun tolok bè yóm tolok gna, bede bud hningónen, monen, “Laen kô dù tau se ke namà kenséen yóm nes lomi mò klefengen yóm kgal bolok. Ke yó tô nmoen, ngem ke kemsong yóm nes lomi, tódô ksê yóm kgal bolok.

Matyu 9:18

Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Mark 2:22

Ne sotuhen, laen kô dù tau ke ilihen yóm tifas hanà tolo lomi elem yóm sning kulit ógóf deng legen, yóm là buden mnut. Kmoen ke kmodok yóm tifas yó ne mom btù yóm gónóhen e mili du, abay se lemto bè yóm deng kkodoken. Ne mom gotu gamà yóm tifas, ne baling sidek yóm gónóhen nô. Yó dé kun yóm tifas ke hanà tolo lomi, ilihem bè yóm sning kulit ógóf hanà tolo lomi snéen.”

Kun Snulat Luk 5:37

Ne sotuhen,” monen, “laen kô dù tau ke ilihen elem yóm sning kulit ógóf deng legen yóm tifas hanà lomi. Ke ni se nmoen ten-geeden heksê yóm sning kulit, mom gamà yóm tifas nô lemen ne laen kô bud muhen yóm sning.

Kun Snulat Luk 5:38

Yó dé kun yóm tifas ke hanà tolo lomi, ilihem bè yóm sning kulit ógóf hanà tolo lomi snéen.