Matyu 9:14 - Udél Dwata: Gna Kesfasad ne Lomi Kesfasad

¹⁴ Kogolen bè yó, sut le bè Jisas yó kem tau gel lemolò ke Jan yóm gel mabtays, wen snólók le béléen, mon le, “Ó Sér, bélê me kum, dalang se bè yó kem Farisi, gel wen kdaw me fasting. Moen de ke là gel nmò le du yó kem gel lemolò kóm?”

Matyu 9:14 Referans Kwoze

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Kun Snulat Jan 3:25

Wen bè yó kem tau gel lemolò ke Jan, skuya le mon bè yóm sotu dumu le Ju. Senkuya le yóm kul sana adat bè kmò khólós le.

Kun Snulat Jan 4:1

Gungol yó kem Farisi yóm deng ketnù yó kem tau lemolò ke Jisas ne yó kem tau hbabtays béléen, ne là holen bud wen ke Jan.

Matyu 11:2

Ngangen mból yóm gel nmò Krays efet gefet bè Jan lem blanggù, yóm Jan gel mabtays. Timbow gungolen, ominen wen bè yó kem gel lemolò du hógówen ebè Jisas

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”