Matyu 9:1 - Udél Dwata: Gna Kesfasad ne Lomi Kesfasad

¹ Bud kewót le Jisas bè yó, motun le elem yóm ówóng, mulék le efatu lanaw ebè yóm benwu gónó Jisas nô.

Matyu 9:1 Referans Kwoze

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Kun Snulat Luk 8:37

Ya tey sidek klikò le yóm kdéen tau menwu bè yó. Yó gónó le mon du mò ke Jisas, “Yake mdóhi kum bè ni.” Tahu se, lemwót le Jisas, bud le motun elem yóm ówóng, ne mulék le.

Mark 5:21

Bud kewót le Jisas bè yó, mówóng le mulék efatu lanaw. Bè yóm bud kduung le, ya tey tau wen bud sembung kul bè yó bè kilil lanaw.

Matyu 8:18

Bud sotu kdaw bè yó, ton Jisas yóm alì kwen tau sbung ebéléen, monen mò yó kem gel lemolò du, “Hlós tekuy ne efatu lanaw.”

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Deng Hegfan 22:11

Yóm tau mò sidek, tódô henlósen ne yó kem sidek nmoen. Yóm tau là mólósen, tódô henlósen se kun mò du yóm là mólósen. Okóm yóm tau hyu kmoen, hol henlósen sen mò du yóm hyu. Yóm tau laen dù belenen yóm kmoen, hol henlósen mò du yóm laen dù belenen.”

Matyu 8:23

Kogolen bè yó, omin Jisas motun elem yóm ówóng, mung le du yó kem gel lemolò du.

Kun Snulat Luk 8:40

Timbow le deng bud gefet fi fatu yóm lanaw le Jisas, tey khódó le du yó kem tey tau wen eles semsangat du bè yó.