Matyu 8:9 - Udél Dwata: Gna Kesfasad ne Lomi Kesfasad

⁹ Henknahu béléu se ke ou,” mon yóm kfitan. “Wen se kem tau geta sentahu gónóhu kmulu, ne gel nimónu. Ne wen se kem sendalù dou nalak, ne sal gel nimón le o. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ yó se tódô nmoen.”

Matyu 8:9 Referans Kwoze

Taytus 2:9

Yó kem tau klifen, yake hol le heglaan bè yó kem tau mfun kul, ne hol nmò le yóm gónó le hefligal kul. Hol bê le abay smabà

Kulasi 3:22

Ne yu kem tau klifen, hol gel nimón ye yó kem tau mfun kuy. Bê ye olo hton du ta ke wen nmò ye mò tô gónó le dmóyón kuy. Yake hol hewót ye lem but blutut ye yóm gel nmò ye lemwót bè yóm kadat ye du yóm gónó tekuy mogot.

Kun Snulat Luk 7:8

Lómón se béléu dou,” monen, “wen se kem tau hol geta sentahu gónóhu mogot, ne gel nimónu. Ne wen se kem sendalù dou nalak, ne sal gel nimón le ou. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ ne yó se tódô nmoen. Lómón yó se béléem kóm. Ke wen monem, sal dohò.”

Kun Snulat Luk 4:39

Ne tahu se, mógów ebéléen na a mdà klohoken, tódô hkóhen yóm desen, mlan bè udélen. Ne sen-gengen se tódô btik tuón Simun libun, ne kendel mò ken bélê le.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Kem Lingón 119:91

Efet ni kmoen ni, sana yó ne kegseb yó kem hlauhem, yakà tódô kdê le mò du yóm kóm kóyô.

Matyu 8:8

“Bê, Sér,” mon yóm kfitan yó koni. “Là knóónen ke tói motun bè dou gónô, yakà tauhe lemwót bè Rom dou. Olom tódô hemwit udél ne, kaem tódô mkó he tum desen.

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Kun Snulat Luk 9:1

Sotu kdaw bè yó, gotu sentifun Jisas yó kem sfolò lewu gel lemolò du, ne wen kfasang blayen kul ne wen kwalis le hdó busaw ne hkó des.