Matyu 8:8 - Udél Dwata: Gna Kesfasad ne Lomi Kesfasad

⁸ “Bê, Sér,” mon yóm kfitan yó koni. “Là knóónen ke tói motun bè dou gónô, yakà tauhe lemwót bè Rom dou. Olom tódô hemwit udél ne, kaem tódô mkó he tum desen.

Matyu 8:8 Referans Kwoze

Kem Lingón 107:20

Gotu kóhen yó kem des le lemwót bè tek olo udélen, yó gónó le là hlós matay. Ne lenwaen lu bè yóm tô hatay le.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Kun Snulat Jan 1:27

Du se yóm monu sut huli do, okóm tey mfasang sentahu he kun. Baluen ke olohu hesek béléen, là kóe na a knóón.”

Kun Snulat Luk 5:8

Bè yóm kton Simun Pitér du yóm yó, botong tódô na a mtud bukol bè solu Jisas, yó monen, “Béi hloni ebéléu, Sér, yakà tauhe gemsalà.”

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Kun Snulat Luk 15:21

Ne yó mon yóm logi mò ke maen, monen, ‘Ó Mà, tey salau bè Dwata, ne tey salau béléem snéen. Là buden knóón ne ke bud tô ngaem ou.’

Kun Snulat Luk 15:19

Là buden knóón ne ke bud ngaem ou. Tódô heskélem ou bè yó kem tau gel mò nmò béléem.’ ”

Matyu 3:14

Okóm mom yó balà Jan du, monen, “Béi mom hbabtays béléu, ou dé bnabtaysem.”

Lista 20:8

“Nwahem yóm tuged nô bè solu yóm Slungan Fasad ne gotu sentifun ye yóm kdéen tau lewu ye Aron. Bè yó bè solu le, tódói mudél ebè yóm botu nô bè yó ne angat wen él tódô semfut gu lemen. Bè nim nmoem ni, wen tey él gu lem yóm botu mò ninum yó kem tau ne yó kem ógóf le.”

Kem Lingón 10:17

Ó Dwata, deng eles tngónem yóm nefet nawa le yó kem tau laen dù gmò le. Henklinguhem yó kem hni le, ne henyuhem nawa le.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Matyu 8:7

Mon Jisas se mò du, “Yó ne, mógówe edyó naw e hkó béléen yóm desen.”

Matyu 8:9

Henknahu béléu se ke ou,” mon yóm kfitan. “Wen se kem tau geta sentahu gónóhu kmulu, ne gel nimónu. Ne wen se kem sendalù dou nalak, ne sal gel nimón le o. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ yó se tódô nmoen.”