Matyu 8:6 - Udél Dwata: Gna Kesfasad ne Lomi Kesfasad

⁶ monen, “Ó Sér, wen sotu tau gel mò nmò béléu nô bè gónóu. Là buden dmemen doli lówóhen, ya tey sidek kegnómen du.”

Matyu 8:6 Referans Kwoze

Kulasi 4:1

Ne yu kem tau wen klifenen, hol nmò ye yóm hyu ne yóm tedeng bè yó kem klifen ye. Bê ye klifót wen se yóm kuy gónó mogot bè longit.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Kul Nmò 9:33

Tikóng kól ditu, tonen yóm sotu tau boluyen Aniyas, deng matay sfu lówóhen. Botong wolu halay kegenen là dog gógów, sónmoen hlilil.

Filimun 1:16

Bè yóm kuléken ebéléem ni, là kóen na a olo bud tô klifen béléem, bede deng baling hol dumum setwoli sogot nawa bè Krays. Lómón yó snéen yóm dou kehedem du yóm knóen dini béléu. Milud he yó dum kóm nawa du lemwót bè yóm kfunem du, ne lemwót bè yóm kessotu nawa ye hemtahu bè yóm gónó tekuy mogot.

1 Timuti 6:2

Hol néen ke hemtahu bè Dwata yóm mfun kul, là hyuhen ke là nimón le du, yakà deng le setwoli bè Krays. Mom monem yó ne hol keged le mò nmò bélê le, abay se yóm tau gmuta du yóm len-ged le, kul dumu hemtahu kenbong nawa. Hol henkimedem tmolok du kul ni kem ni, ne hol gendufem lu mò du.

Kul Nmò 10:7

Tódô bud lemwót yóm hógów Dwata yó koni, ne omin Kurnilyus tmaba lewu bè yó kem tau gel mò nmò lem gónóen, getlu le yóm sotu sendalù alì snaligen, deng hemtahu bè Dwata snéen kun.

Kul Nmò 8:7

Balù yó kem busaw malak yó kem tau gotu hdóhen lu. Bè yóm gel kehdóhen kul, ya tey sidek klangat le. Ne tey dê se kem tau deng matay sfu lówó le, ne yó kem tau kihod, gotu le tódô bud hyu.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Matyu 8:7

Mon Jisas se mò du, “Yó ne, mógówe edyó naw e hkó béléen yóm desen.”