Matyu 8:5 - Udél Dwata: Gna Kesfasad ne Lomi Kesfasad

⁵ Ngang Jisas mógów efet kól bè Kapérnaum. Wen sotu tau kfitan nô bè yó, tau lemwót gu bè Rom. Senlongen Jisas ne hkodu béléen,

Matyu 8:5 Referans Kwoze

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Kul Nmò 27:43

Okóm là móyóen yóm kfitan ke matay Pol, yó gónón mólów kul, ne monen mò yó kem tau, “Kdê yó kem hulung kmohung, gna ye kmohung ebè kilil ne kuy.”

Kul Nmò 27:31

Okóm mon Pol mò yóm kfitan ne yó kem sendaluhen, monen, “Ke tô le hewà yó kem tau mit kafal, laen kô na a mowil bélê ye.”

Kul Nmò 23:17

Timbow gungol Pol se kun, ominen tmaba yóm sotu kfitan, monen mò du, “Yake nitem nim ngà nii ebè yóm kmandér, yakà wen tulónen du.”

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Kul Nmò 27:13

Timbow mbel fi bè iwóng me yóm lenos hyu, omin le tnana tô lemwót ebè Finik, ofo kul ke géhél le gefet bè yó. Omin le kemteng eta yóm blangawen, ne tódô le mówóng hmilol Krit.

Kul Nmò 23:23

Timbow deng mulék yóm ngà logi yó koni, omin yóm kmandér tmaba lewu kfitan, monen mò kul, “Matul ye lewu latu sendalu mò fen mógów tmonok ebè Seseriya, ne hitu folò fen kmudà, ne lewu latu tau hulung mogot buyus. Kifu ni kedeng kewót ye, wen dô senga bong tau, na ye e nomung Pol etu bè Gubérnor Filik.

Kul Nmò 22:25

Tahu se, nfét le Pol anì hyu kfes le du. Bè yóm tolo kfét le du, mudél Pol ebè yóm kfitan mdà bè yó, monen, “Là mulé ye udin kô ke kendel tódô nfes ye yóm tau Rom ke là deng tngón ye du salaen?”

Mark 15:39

Bè yóm kehto Jisas, mdà bè soluhen yóm kfitan bè yó kem sendalù, botong monen, “Tahu duhen ni se yóm Ngà Dwata.”

Mark 2:1

Timbow kogolen bè yó, bud mulék ebè Kapérnaum Jisas, ne tódô kendel tngón yó kem tau yóm deng kkólen bè gónóen.

Matyu 9:1

Bud kewót le Jisas bè yó, motun le elem yóm ówóng, mulék le efatu lanaw ebè yóm benwu gónó Jisas nô.

Matyu 11:23

Dalang se kuy yu kem tau bè Kapérnaum. Ilóem kmon ye ke gefet bè longit yóm alì kehegeta ye knô ye. Ngem kà angat tódô tudà Dwata kuy elem lanaw ofi he. Ke deng tehe ton yó kem tau là Ju le bè yóm tehe benwu Sodom ekni yó kem hentaw ton nmou lem blóng ye ni, hol mou kun ne ke là hegsel le se kul, ne là kô genlà Dwata kul.

Kul Nmò 9:38

Uma kóm yóm kun benwu bè Jupa, moni bè Lida, yóm benwu gónó Pitér nô. Timbow tngón yó kem tau hemtahu bè Jupa yóm knô Pitér bè Lida, wen lewu tau dók le mò na a mangay du. Yó udél hwit le, mon le, “Hesloi kum edini” mò ke Pitér.