Matyu 8:3 - Udél Dwata: Gna Kesfasad ne Lomi Kesfasad

³ Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Matyu 8:3 Referans Kwoze

Kun Snulat Luk 5:13

Tahu se, tódô nnok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

2 Bok Kem Tau Hol Geta 5:14

Tahu se, mógów ebè Él Jurdan Naaman, ne hitu duléken lemneb lówóhen ditu, lómón yóm deng hloloen du yóm tau Dwata, ne tódô gotu mimot mkó se yóm desen. Yóm kuliten, hol lómón ke kulit ngà.

Mark 1:41

Tey kkodu Jisas du yóm tau yó, tódô nan e nenok, monen, “Móyóe tmóbóng kóm. Hol mkó he yóm desem.”

Kun Snulat Jan 5:21

Yóm Mà, gbeken hlowil yó kem tau deng matay. Senged se kun yóm Ngaen, benlayen klowil yó kem tau nóyô hlowilen.

Mark 4:39

Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

2 Bok Kem Tau Hol Geta 5:11

Okóm mom lembut Naaman, tódô lemwót, monen, “Ofo do ke hewà ebéléu, ne mni béléu bè yóm Dwatahen, ne ke diwelen sigelen eta yóm desu anì mkó yóm des mifuu.

Tekang Kbuten 1:3

Ne yó udél Dwata, monen, “Dlimunu layag.” Tahu se, tódô sen-gengen se lemayag.

Kun Snulat Jan 11:43

Timbow deng yóm kni Jisas yó koni, ominen tmaba, hgelen udélen, monen, “Ó Lasarus, hewai.”

Kun Snulat Luk 7:14

Omin Jisas mógów ebélê le, ne nnoken ta yóm gónó le semtihang du, ne tódô le se htengen mdà yó kem tau semtihang du. Mon Jisas mò yóm ngà logi deng matay yó, “Ó Man, btiki ne.”

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Mark 7:34

Ne lengalà ebè longit, ne hbongen knawahen, ne monen mò yóm tau yó bè kun udél, “Ephphatha.” Yó lanen, monen, “Mungoli.”

Mark 5:41

Kól bè yó, nogoten sigel yóm ngà, ne monen mò du bè kul udél, “Talitha koum.” Yó lanen, “Ó Bun, btiki ne.”

Kun Snulat Jan 15:24

Ke là se deng nmou du lem blóng le yó kem hentaw ton là deng hnikót gel nmò kem tau du, là kô duón Dwata du kul yóm salà le yó. Okóm ni deng gotu ton le, deng mom knutó nawa le o lewu me Mà.

Kehewà 4:7

Omin Dwata bud mon du, “Bud hulékem elem kgalem henmuem.” Tahu se, bud nmò Musis. Timbow bud kóhen, lómón ke laen dù hemenen, tódô bud mulék bè yóm sana kun kmò.

Matyu 12:13

Omin Jisas mudél ebè yóm tau kimoy sigelen yó koni, monen mò du, “Bentolem sigelem.” Ne tahu se, bentolen, hol lómón ke laen dù tehe desen, lómón yóm dolihen.

Kun Snulat Luk 4:27

Ne bud sotuhen,” mon Jisas, “bè yóm hanà tolo kegenen du Ilisa ekni, bud sotu tau tehe gna tugod Dwata se kun, tey dê tau gemnóm du yóm des mifù lem yóm hol kun benwu bè Israél. Ewenem là hkó Ilisa du yóm kul des. Tek són Naaman hkóhen desen, yóm tau là Juhen, lemwót bè benwu Sirya.”