Matyu 8:29 - Udél Dwata: Gna Kesfasad ne Lomi Kesfasad

²⁹ Timbow ton le Jisas ni kem lewu tau ni, ya tey sidek klangat le, mon le mò du, “Uu se Ngà Dwata. Tedu tô nmoem bélê me ni du? Nam e kendel tô tnafak mi kô gu laanen là deng hto yóm hol bantangem mò du?”

Matyu 8:29 Referans Kwoze

Mark 1:24

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Kun Snulat Luk 4:34

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu. Uu se yóm mólós hógów Dwata.”

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

Mark 5:7

ne ominen tódô hendlà lemangat, monen, “Ó Jisas, yóm hol Ngà yóm Dwata alì geta bè kdéen. Tedu hendufem béléu ni du? Smafai do bè Dwata kun anì là kendel tnafakem do ni.”

Kun Snulat Luk 8:28

Mung unihen mton ke Jisas, tódô hendlaen lemangat, ne hegluduk bè soluhen, ne hgelen udélen, monen, “Ó Jisas, uu se yóm Ngà Dwata, yóm Dwata alì geta bè kdéen. Tedu de hendufem béléu? Henkoduhu béléem, béem tnafak ou.”

2 Pitér 2:4

Tehe yu ekni, wen sidek nmò yó kem tehe hógów Dwata gu bè longit, bede là kô tódô bayà Dwata du kul. Yó tafaken kul, tódô boten lu elem yóm tey sol leyóng kmifu mò gónón bmanggù kul efet kehto yóm buteng kkukumen kul.

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Kun Snulat Jan 2:4

Mon Jisas se mò ke yéen, “Omin he ke tulónem dou yóm nmou, Yê. Là dengen kól du he yóm dou kdaw.”

Kun Snulat Luk 4:41

Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.

2 Samwél 16:10

Okóm yó mon yóm tau hol geta mò du, “Yu kem ngà Siruwaya, laen dù kuy du yóm nmoen yó. Ke lemwót bè Dwata yóm kehmulaen do yó, là hyuhen ke tô henseng te.”

Sulat Jud 1:6

Ne sotuhen, yó kem tehe gel hógów Dwata gel nô bè longit ekni, mom hnuda le yóm deng sigang Dwata ta le, ne tódô tnagak le yóm hol gónó le nô. Yó kmò Dwata kul, tódô hnengked nféten lu yóm kdina là gekas du ditu bè yóm benwu alì kmifu laan tonok. Hatan tnafaken lu ke deng hto yóm kdaw kkukumen kul.

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Mark 3:11

Ne yó kem tau wen busaw malak kul, sok ton le Jisas, tódô le hegdungul bè soluhen, ne ya tey gel klangat le, mon le, “Uu se yóm hol Ngà Dwata.”

1 Bok Kem Tau Hol Geta 17:18

Ominen mon du mò ke Ilaydya yóm libun bolu, “Ó tau Dwata, tedu nmoem béléu ni? Yó kô nógówem edini anì tnafakem o bè yó kem salau, hlanem bè katay yóm ngau?”

2 Samwél 19:22

Okóm yó mon Dabid, “Yu kem ngà Siruwaya, tedu se kmou kuy du? Hligal tekuy bè nim kdaw ni. Ou se bud tau hol geta bè Israél bè nim kdaw ni, laen dù tau hnatay.”

Juwél 3:4

Ó kem tau bè Tayal ne bè Sidon ne bè yó kem dumu benwu lem Flistya, tedu se gónó ye hmohon do du? Mone tô bneles ye o kô? Ke yó tô nmò ye ten-gama ye, angat kendel huléku eta ye kdê yó kem sidek deng gel nmò ye.

2 Tutul Israél 35:21

Okóm wen kem tau hógów Niku ebè Jusaya, yó udél hwiten kul, monen, “Laen dù kóm du nim ni, tau hol geta bè Juda. Là uu du yóm dumuhu sgida kemdaw ni. Són nitu sfatay yó kem benwu nitu sgida. Ne deng mon Dwata mò dou géhéle mit sgida. Béem tenbleng Dwata, yóm nô béléu, déke genlaen uu.”

Matyu 8:30

Bè yóm kdaw yó, kulel se kul keswól bè yó yó kem tey sdô wen, bede geblà klayuken bélê le.