Matyu 8:28 - Udél Dwata: Gna Kesfasad ne Lomi Kesfasad

²⁸ Timbow le gefet fatu lanaw bè benwu yó kem tau Girasin, wen lewu tau lengel mata semlong ke Jisas, lemwót le gu lem yóm kilib gónó le gel lembeng. Tey sidek klóbô le lemwót bè yó kem tulus seitan malak kul. Laen kô dù tau mlos gel mlan ebè yó.

Matyu 8:28 Referans Kwoze

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Kmukum 5:6

Bè yóm tehe kun kdaw Samgar, yóm ngà Anat logi ne bè yóm kun kdaw Jail, laen dù bud tau tonem mlan bè yóm lan bong, gotu le mlan bè yó kem lan hilol.

Tekang Kbuten 15:21

ne yó kem tau Amurayt ne yó kem tau Kanan ne yó kem tau Girgasayt ne yó kem tau Jibusayt.”

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”