Matyu 8:26 - Udél Dwata: Gna Kesfasad ne Lomi Kesfasad

²⁶ Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Matyu 8:26 Referans Kwoze

Kem Lingón 65:7

Balù yóm tey lungkul lewók mohin, botong gbekem henek du. Ne gbekem henek kul snéen yó kem tau alì sembeweg kbenwu.

Kem Lingón 89:9

Gotu knamalem yóm tey mohin lamang, ne gbekem henek du balù nô kbong lewóken.

Matyu 6:30

Là kóen tahà se kul klowil yó kem bulók, olo le sut nim kdaw ni, ne bud le menes elem haya, ne tódô bot lu elem ofi. Ke minggel kmò Dwata kul yó kem bulók balù yóm tey kukol klowil le, mom milud he knesen kuy. Tey udì kehtahu ye nim yu.

Sulat Pol Ebè Yó Kem Tau Hemtahu Bè Rom 4:20

Tódô henlelen hemtahu du, ne là kóen megewu nawan du snéen. Sónmoen minut temnù yóm kehtahuhen, ne tódô senflósen dmóyón ke Dwata.

Matyu 16:8

Tódô tngón Jisas yóm sentulón le, yó gónón mon du mò kul, “Moen de ke sentulón ye yóm là kegwit ye bnotu? Tey udì kehtahu ye.

Deng Hegfan 10:2

Wen sulat udì lenulun niten deng eles lemnal. Lemwót yóm ti kwananen, daen te mohin, ne fen daen te tonok yóm ti iwóngen.

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Kun Snulat Luk 4:35

Okóm tódô bnólów Jisas, monen, “Béi mudél. Mdóhi bè yóm tau nalakem yó.” Tahu se. Bè yóm ktagaken du, tódô mugod lem blóng le bè yó yóm tau tehe wen malak du yó, okóm là kô gehsideken du yóm busaw malak du yó.