Matyu 8:22 - Udél Dwata: Gna Kesfasad ne Lomi Kesfasad

²² Mon Jisas se mò du, “Tódô hebengem tu he kem kun dumu là hemtahu yóm maem. Okóm fen, loloem ou kóm.”

Matyu 8:22 Referans Kwoze

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Ifisus 2:5

Igò tekuy sem deng golu elem hatay lemwót bè yóm là kimón tekuy, gloken tódô bud hlowil tekuy ebè yóm klowil laen dù tul sónen, homongen tekuy bè yóm tehe le kehlowilen ke Krays gu lem hatay. Tódô lemwót bè yóm kun tóbóng Dwata yóm kehewaen tekuy yó.

Ifisus 2:1

Yóm tehe yu ekni, lemwót bè yóm là kimón ye ke Dwata ne bè yóm kwen sidek gel nmò ye, yó se gónó ye deng golu elem hatay laen dù sónen.

1 Timuti 5:6

Bong yóm libun bolu ke tek són yó hendeenen yóm kenbeyen nawan, lómón ke deng matay, balù yóm igoen tolo mowil.

Kun Snulat Jan 1:43

Timbow hayahen bè yó, mógów ebè prubinsya Galili Jisas. Tonen Filip, ne tódô monen mò du, “Loloem ou dé.” Tahu se, tódô mung du Filip.

Matyu 9:9

Bud kewót Jisas bè yó, tódô tonen yóm sotu tau fen gel mtuk bwis boluyen Matyu, myón bè fsinaen. Bè yóm kton Jisas du, tódô monen mò du, “Ó Wè, loloem o.” Ne tahu se, mung kdà Matyu bè yó, loloen Jisas.

1 Bok Kem Tau Hol Geta 19:20

Tódô tebel Ilaysa yó kem safien ne ktesen Ilaydya, yó monen mò du, “Nahu na nelek mau dé ne yéu mò balu kul lemwót, ominu yó mung kóm.” Yó balà Ilaydya du, monen, “Yó sen, okóm hol hendemem yóm deng nmou béléem.”

Matyu 8:21

Bud wen sotu tau gel lemolò du mon du mò du, “Ó Sér, naw na lebeng mà he, ominu yó lemolò kóm.”

Mark 2:14

Tikóng bud hlós bè yó, tonen yóm sotu tau fen gel mtuk bwis boluyen Libay, ngà Alfiyus, myón bè fsinaen. Bè yóm kton Jisas du, tódô monen mò du, “Ó Wè Libay, loloem ou.” Ne tahu se, tódô lemwót Libay, loloen Jisas.

Kun Snulat Luk 9:59

Mudél Jisas ebè yóm sotu tau, monen mò du, “Ó Wè, loloem ou.” Mom yó balaen ke Jisas, monen, “Naw na lebeng mà he, Sér, ominu yó lemolò kóm.”

Kun Snulat Luk 9:60

Mon Jisas se mò du, “Tódô angat hebengem tu he kem kun dumu là hemtahu yóm maem. Okóm yó kóm nmò, fen nam e hetngón bè kem tau yóm kogot Dwata tau.”

Kun Snulat Luk 15:24

Abay se nim ngau ni, lómón ke deng matay, okóm deng bud mowil. Deng tehe hlana, okóm deng bud hton.’ Ne tahu se, nbut le bè yó ne hligal.

Kun Snulat Jan 21:19

Yó lanen yóm mon Jisas ni, tulónen yóm kmò angat katay Pitér, ne yóm kegdóyón Dwata béléen bè yóm katayen yó. Ne omin Jisas bud mon du mò du, “Loloem o.”

Kun Snulat Jan 21:22

Bnalà Jisas se, monen, “Ke dou kóyô nan mowil kun efet bud kesfuléku, laen dù bud kóm du ne yó. Okóm yó dum kóm, loloem ou.”