Matyu 8:20 - Udél Dwata: Gna Kesfasad ne Lomi Kesfasad

²⁰ Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Matyu 8:20 Referans Kwoze

Kem Lingón 84:3

Balù yó kem onuk lem bnes ne yó kem hyongi, wen kul gónó nô moni bè Gónóem. Gel nisok le kem ngà le moni bè yóm gónó me demsù ebéléem, Dwata, yóm Dwata laen dù là gbeken du, yóm Dwata dou gónó mogot, yóm dou gónó kmulu, ne yóm dou gónó hemtahu.

Kun Snulat Luk 2:7

Logi yóm ngaen, hol tebà lówóhen. Wen nes bausen du, ne heflililen ta yóm gónó le gel hemsù ken kudà, abay se là bud wen gónó le nô lem yóm gónô gónó le gel mefet tungô yó kem tau mógów.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Kun Snulat Luk 2:16

Tahu se, tódô le kendel hetlagad lemwót, ne sut le bè Midi ne Jusif, ne ton le yóm ngà hlilil ta yóm gónó le gel hemsù ken kudà.

Kun Snulat Luk 2:12

Ni mò ilô yóm ktahuhen yóm deng tulónu kuy ni, angat wen ngà ton ye bnaus le nes, heflilil le bè yóm gónó le gel hemsù ken kudà.”

Kem Lingón 109:22

Yakà teye élél, ne laen dù gónóhu htóbóng, ne tey sidek kebà nawahu.

Kem Lingón 69:29

Okóm béléu dou, Dwata, deng tey alì sidek kegnómu du. Bud bentikem ou, hol lenwaem ou.

Kun Snulat Luk 8:3

Ne sotuhen, Juhana yehen Kusa, yóm tau bong glalen bè Hirod. Bud sotuhen, Susana ne tey wen he kem dumuhen. Lemwót bélê le yó kem mò tdof le kul le Jisas ne yó kem gel lemolò du.

Matyu 12:32

Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”

Kem Lingón 104:17

Tey dê onuk koyu smala bè yó kem koyu yó, balù yó kem onuk lembang sana kul ksala bè yó.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 16:13

Bud kewót Jisas bè yó, hlós le etu bè yóm benwu moni bè yóm syudad boluyen Seseriya Flipay. Bè yóm kkól le bè yó, snólók Jisas yó kem gel lemolò du, monen, “Tedu de kul kmò kehedem du yó kem dumu tau yóm Ngà Tau?”

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Matyu 12:8

Yóm Ngà Tau, du se wen kwalisen fen tmolok du kuy yóm hyu mò du bè yóm Kdaw Kehegnô.”

Kem Lingón 40:17

Yóm béléu dou, Dwata, teye lunog, tauhe élél, okóm là kô klifótem dou. Tek són uu yóm lemwà dou, uu se dou Dwata gónó hemtahu, géhél tnóbóngem ou ne.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Kem Lingón 104:12

Lemwót yó kem onuk koyu, gotu le smala ta yó kem koyu tmubé él, lel yóm tey udél le.

Matyu 13:37

Tahu se, tulón Jisas kul, monen, “Yóm tau sohulen yóm bnék hyu bè dnaduhen, duhen yóm Ngà Tau.

Mark 8:38

Ni kem tau kmoen ni,” mon Jisas, “deng knogol le Dwata lan le gel mò sidek. Yóm tau ke hnalaen yóm kloloen dou lem blóng kem dumuhen, dalang se ke hnalaen yóm gel toloku, angat hnalà yóm Ngà Tau snéen sok bud semfulék edini. Bè yóm bud kesfuléken yó, angat gfan béléen yóm tey kegeta Maen, ne gotu le angat mung du yó kem hógów Dwata gu bè longit.”

Kun Snulat Luk 9:58

Bnalà Jisas se, monen, “Wen kul lefunges yó kem bolos, ne wen se kul sala yó kem onuk lem bnes, okóm yóm Ngà Tau laen kô dù mdengen gónóhen hegnô.”

Kun Snulat Luk 12:8

“Ni bud tulónu kuy,” mon Jisas, “Yóm tau ke gel tulónen yóm kloloen do lem blóng kem dumuhen tau, senged se bud ktulónen du se kun yóm Ngà Tau lem blóng yó kem hógów Dwata nô bè longit.

Kun Snulat Luk 18:8

Yó tulónu kuy,” mon Jisas, “tódô kendel gel nfihen lu. Okóm bè yóm kdaw angat bud kesfuléken edini yóm Ngà Tau,” monen, “ngunte ke wen tau angat tonen hemtahu béléen.”

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Kun Snulat Jan 3:14

Bè yóm tehe kun kdaw Musis ekni,” mon Jisas, “bè yóm tehe knô le bè yóm benwu laen dù tau menwu du, wen ulal tembaga sù Musis bè tfod yem hehek htegen eta. Bud lómón yó se angat ktayal le du eta yóm Ngà Tau,

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kun Snulat Jan 6:53

Ne bud mon Jisas mò kul, “Tódô tulónu kuy ktahuhen, ke là ken ye du lówóhen yóm Ngà Tau, ne ke là ninum ye du litóen, là kô guta ye du yóm klowil laen dù tul sónen.

Kun Snulat Jan 6:62

Mò kmoen se ke ton ye khawayen ebè yóm tehe gónóhen gu lemwót yóm Ngà Tau?

Kun Snulat Jan 12:34

Bnalà le Jisas yó kem tau, mon le, “Yó monen bè Udél Dwata, yóm Misaya, kaem tódô hlós yóm kun klowil, là kóen na a matay. Okóm yóm monem yó, angat hdà le bè yóm kros yóm Ngà Tau. Tau du se yóm Ngà Tau monem yó?”

Kun Snulat Jan 13:31

Bè yóm deng kehewà Judas, yó udél Jisas, monen, “Deng duhen ni ne yóm kdaw kehegfan Dwata yóm kegeta yóm Ngà Tau, ne angat gfan snéen yóm kun kegeta Dwata mlan béléen.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”