Matyu 8:19 - Udél Dwata: Gna Kesfasad ne Lomi Kesfasad

¹⁹ Okóm wen sotu bè yó kem tau gel tmolok hlau sut béléen, monen mò ke Jisas, “Ó Sér, lolou uu balù kihu gónóm e mógów.”

Matyu 8:19 Referans Kwoze

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

1 Kurin 16:6

Naw dô malù legen bélê ye soke mógów edyó, déke gesmangu yó kem bulón tnaw. Bè yóm bud kewótu bè yó, déke wen ne gónó ye gemtóbóng dou balù kihu gónóhu e hlós.