Matyu 8:16 - Udél Dwata: Gna Kesfasad ne Lomi Kesfasad

¹⁶ Timbow deng sdef kdaw, tey dê tau lengel mata nwit le ebè Jisas. Hanà tek olo udél Jisas ebélê le deng le sana gotu mdó yó kem tulus seitan malak kul. Kkólen bè yó kem des yó kem dumu tau, gotu hkó Jisas.

Matyu 8:16 Referans Kwoze

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Kun Snulat Luk 4:40

Tikóng deng sdef kdaw, tey wen tau gemnóm dê kay des nit le ebè Jisas. Gel nnok Jisas lu ket kul ne sotu, ne tódô gotu kóhen se yó kem des le.

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.

Mark 5:8

Yó gónón mon du nim ni, abay se deng eles mudél Jisas ebè yóm busaw, monen mò du, “Mdóhi béléen.”

Matyu 12:22

Ne ominen wen sotu tau nit le ebè Jisas, tau butô lelen umew lemwót bè yóm tulus seitan malak du. Tódô hdó Jisas yóm malak du, ne tódô gudél se yóm tau, ne bud mton.

Mark 2:3

Yóm igoen tmolok, gdek le bè yó se yó kem fat tau, wen tau sentihang le ebéléen, yóm tau matay sfu lówóhen.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Matyu 8:33

Kewót le se kul yó kem tau gel semgyok sdô, gotu le mlóy ebè yóm benwu moni bè yó. Gotu tulón le yóm kdê ton le, dalang se yóm deng nmò Jisas bè yó kem lewu tau tehe lengel mata.

Matyu 8:15

Omin Jisas na a mogot bè sigelen, ne tódô sen-gengen se mkó yóm tey des kinien. Ominen hlingas btik, ne tódô kendel mò ken bè le Jisas.

Kun Snulat Luk 4:41

Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.

Kun Snulat Luk 13:12

Tikóng ton Jisas, tnabahen ebéléen, ne monen mò du, “Ó Yê Dì, dengi gewà ne bè yóm desem.”