Matyu 8:12 - Udél Dwata: Gna Kesfasad ne Lomi Kesfasad

¹² Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Matyu 8:12 Referans Kwoze

Matyu 25:30

Bong yóm tau laen dù mu yó, tódô tudà ye etu bè lewà bè gónón alì kmifu, ne bè yó tendo gónón heslaf ne dmumu mkik sembéhé kakim.’ ”

Kun Snulat Luk 13:28

Ngem he,” mon Jisas, “angat tey keheslaf ye dmumu mkik ne sembéhé kakim kesok ton ye lem kun benwu nogot Dwata yó kem tehe fù tekuy, le Abraham ne Isak ne Jakub, ne dalang se yó kem kdê tehe gna tugod Dwata. Okóm yó dum kuy, angat tódô tudà le yu.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Matyu 13:50

Yó kmò le yó kem tau sidek nmò le, gotu tudà le lu elem lanaw ofi. Ditu gónó le alì heslaf dmumu mkik, ne sembéhé kakim.”

Matyu 13:42

Gotu tudà le lu elem lanaw ofi. Ditu gónó le heslaf dmumu mkik, ne sembéhé kakim.

Matyu 24:51

ne tódô hnatayen yóm tau là gulit kmoen nmò yó, hegbunuen du yóm kul glumfak yó kem tau gel hemtedeng knô. Ne bè yó gónón tendo heslaf ne dmumu mkik sembéhé kakim.”

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

2 Pitér 2:4

Tehe yu ekni, wen sidek nmò yó kem tehe hógów Dwata gu bè longit, bede là kô tódô bayà Dwata du kul. Yó tafaken kul, tódô boten lu elem yóm tey sol leyóng kmifu mò gónón bmanggù kul efet kehto yóm buteng kkukumen kul.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Kul Nmò 3:25

Deng tehe wen fasad Dwata ebè yó kem fù tekuy hlanen bè yó kem tehe gna tugoden. Là són du ebè yó kem tehe fù tekuy gónó Dwata fmasad du yóm yó, gomong tekuy lemen snéen kut. Yó mon Dwata mò ke Abraham ekni, monen, ‘Angat hlanu bè yóm semfu gu béléem yóm angat któbóngu kdéen tau talak tonok.’Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.