Matyu 7:8 - Udél Dwata: Gna Kesfasad ne Lomi Kesfasad

⁸ Ket tau ke wen hnihen bè Dwata, gutahen. Ke wen hnebelen, tonen. Ke mbal gu bak sut, hotun Dwata.

Matyu 7:8 Referans Kwoze

Kem Lingón 81:10

Yakà ou du yóm sana kuy Dwata hol gónó mogot, yóm deng lemwà kuy gu bè benwu Idyip. Hol ye mnanga anì naw hol henken yu.

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”

Kul Nmò 9:11

Mon Jisas mò du, “Lemwóti ne, mógówi ebè yóm lan bnoluy le Tedeng. Ke kóli bè yóm gónô Judas, snólókem bè yó yóm tau lemwót bè Tarsus boluyen Sol. Tolo mni béléu bè yó.

2 Tutul Israél 33:19

Yóm kni Manasi ebè Dwata ne yóm kbalà Dwata du, ne yóm kdê salà deng nmoen gu laanen là deng hegsel, ne yóm kehefdaen yó kem gónô tmaba ebè dwata kéng, ne yóm kehefdaen yóm hehek yóm dwata libun boluyen Asira, ne kdê yó kem dwata kéng tehe gónón e gel tmaba, deng gotu snulat bè Bok Yó Kem Tau Wen Hton Dwata Kul.

Kun Snulat Jan 2:2

Tinok le Jisas snéen dalang se yó kem gel lemolò du ebè yóm nulu yó.

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Matyu 7:9

Kmoen se kuy du, yu kem tuha, ke mni mambang bélê ye yóm ngà ye, botu kô blay ye du?

Kun Snulat Luk 11:10

Ket tau ke wen hnihen gel gutahen. Ke wen hnebelen, tonen. Ke mbal gu bak sut, wen hemta du.