Matyu 7:7 - Udél Dwata: Gna Kesfasad ne Lomi Kesfasad

⁷ Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Matyu 7:7 Referans Kwoze

Matyu 21:22

Ke wen kehtahu ye, balù kihu hni ye bè Dwata, guta ye.”

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Mark 11:24

Yó gónóm mon, ke wen hni ye bè Dwata, hol hentahu ye yóm kguta ye du, kaem angat dohò se kguta ye du.

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Matyu 7:8

Ket tau ke wen hnihen bè Dwata, gutahen. Ke wen hnebelen, tonen. Ke mbal gu bak sut, hotun Dwata.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Kem Lingón 10:17

Ó Dwata, deng eles tngónem yóm nefet nawa le yó kem tau laen dù gmò le. Henklinguhem yó kem hni le, ne henyuhem nawa le.

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

Matyu 18:19

Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

Sulat Jim 5:15

Ke hol snalig le Dwata bè yóm kni le béléen yó, mkó se yóm desen ne bud hfulék Dwata yóm kehyu klówóhen. Ke deng wen salà tehe nmoen, hnifót Dwata.

Kem Lingón 27:8

Deng monem se mò dou, “Na hlonihi sen.” Ne deng monu se mò kóm, “El, hlonihe ebéléem, Dwata.”

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Matyu 7:11

Balù yóm kuy là kgulit,” mon Jisas, “sana khulung ye bemlay kem ngà ye yóm hyu bélê le. Milud he yóm Mà tekuy bè longit. Ke wen hni ye béléen, angat wen tey hyu blayen kuy.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Kem Lingón 119:12

Dóyónu uu, Dwata yóm hol gónóhu mogot. Hol tolokem dou yóm kóm lan.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kem Lingón 70:4

Okóm kul yó kem tau mebel kóm, yake hol le hligal ebéléem. Ne yó kem tau hemmóyô du yóm kehewaem kul, hol le tendo mensag dé, yó mon le, “Tey alì geta yóm Dwata.”

Kem Lingón 69:32

Ke ton yó kem tau gel hen-gnok le yóm kdóyónu kóm, tey kehyu nawa le. Tey kegdufen kul yó kem tau gel tmaba ebéléem.

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Sulat Pol Ebè Yó Kem Tau Hemtahu Bè Rom 3:11

Laen kô dù tau ke hol hulung hedem, duhen ke hol móyô tmaba ebè Dwata.

Kun Snulat Luk 13:25

Abay se angat nseng yóm fun gónô yóm bak dólen. Angat tey ktaba ye doli beng, angat mon ye, ‘Lenungkaem kum dé, Sér, nim seng bak dólem nii.’ Ne yó mom angat balaen kuy yóm fun gónô, monen, ‘Là kô tngónu du gónó ye gu lemwót.’

Kem Lingón 34:4

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Tekang Kbuten 26:32

Bè yóm kdaw yó, sut se yó kem tóbóng lówó Isak ne tulón le ke Isak yóm kokol lomi nokol le, mon le, “Deng wen él ton me.”