Matyu 7:6 - Udél Dwata: Gna Kesfasad ne Lomi Kesfasad

⁶ Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Matyu 7:6 Referans Kwoze

Kem Udél Hlalak Tehe Selumun 23:9

Yóm tau book béem dog tolok du ne yóm hyu yakà mom sendekaen du yóm kóm khulung hedem.

Kem Udél Hlalak Tehe Selumun 26:11

Yóm bud gel kdilut ohu yóm lewólen, hol lómón se yó yóm tau book ke là kóhen du yóm kbooken.

Flipay 3:2

Hol ten-gama ye yó kem tau sidek nmò le, kem tau alì sekban, kem tau alì móyô mò du bélê ye yóm tmulì.

Matyu 15:26

Bud bnalà Jisas, bede hningónen, monen, “Là hyu mbot du bè kem ohu yóm kul ken kem ngà.”

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

2 Pitér 2:22

Yó gónón tahu yóm gel mon yó kem tau gnan ekni, yóm mon le, “Yóm ohu, bud gel kenen yóm lewólen. Ne yóm sdô lomi denyo, mom bud gel hlulid lem hitok.”

Matyu 24:10

Bè yóm kdaw yó, angat tey dê tau knogol le kehtahu le. Ne knutó nawa le yó kem dumu le hemtahu, ne glef le ne hekfô kul.

Kem Udél Hlalak Tehe Selumun 11:22

Yóm kóngó yóm libun tilob ke là hulungen mit du hyu yóm kmoen, lómón kóngóhen ke lenahu tising blówón mebtes yóm ngólón sdô.

Hibru 6:6

Ke deng gotu gnóm le ni kem ni, ne omin le yó he tmagak yóm kehtahu le, laen kô gembek bud mit kul hegsel, abay se hol lómón ke bud nulit tnutuk le bè kros yóm Ngà Dwata, lómón ke bud hendlà henwog le bè gónón wen.

2 Kurin 11:26

Bè yóm gel kógówu, deng gfau se mifal du yóm tey dunuk él. Deng gfau se tau hmamfas. Ne tey deng dê gfau bè yó kem hmohon do, wen se bélê le dumuhu tau Ju, wen se là Ju du. Deng wen se gfau bè yó kem syudad, ne deng wen se gfau gu lem yóm benwu là hyu menwu du, ne deng wen se gfau gu te mohin, ne deng wen se gfau bè yó kem tau hlingón tau hemtahu.

Kem Udél Hlalak Tehe Selumun 26:4

Ke bnalaem yóm tau book béem ulit bè yóm kun kbook déke momi mkél béléen.

Matyu 7:5

Yu kem tau hemtedeng knô. Na ye gna kó dé yóm tey geblekel lem yóm kuy mata anì hyu kton ye mkó du yóm huling kem dumu ye.”

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.