Matyu 7:5 - Udél Dwata: Gna Kesfasad ne Lomi Kesfasad

⁵ Yu kem tau hemtedeng knô. Na ye gna kó dé yóm tey geblekel lem yóm kuy mata anì hyu kton ye mkó du yóm huling kem dumu ye.”

Matyu 7:5 Referans Kwoze

Kun Snulat Luk 6:42

Tedu kmò kton ye mkó du se yóm huling kem dumu ye ke tolo wen bótóng geblekel lem yóm kuy mata. Yu kem tau gel hemtedeng knô, na ye na gna kó dé yóm tey geblekel lem yóm kuy mata anì hyu kton ye mkó du yóm huling kdumu ye.”

Kun Snulat Luk 13:15

Ne bnalà Jisas yóm monen yó, monen mò du, “Tey tau hemtedeng knô yóm yu. Igò sem kuy du bè yóm Kdaw Kehegnô, gel ntó ye fét kem safì ye ne yó kem kudà ye, ne gel hinum ye lu.

Kun Snulat Luk 4:23

Ne yó mon Jisas mò kul, “Déke yó tô mon ye ebéléu yóm sana gel mon yó kem tau gnan, mon le, ‘Ke uu se yóm tau mulung, nam gna kó kun yóm kóm des.’ Déke tô hmò ye do bè ni snéen bè dou benwu yóm deng gungol ye nmou bè Kapérnaum.

Matyu 22:18

Okóm tódô tngón Jisas se yóm tô atul le, ne yó monen mò kul, “Tey tau hemtedeng knô nim yu. Moen de ke tô tnilów hnolot ye ou?

Kun Snulat Luk 12:56

Yu kem tau hemtedeng knô, igò ye sem hulung temnef kul yó kem ton ye bè tonok dalang se yó kem ton ye bè longit, kihol ye là hulung temnef du yóm dou nógów elem blóng ye ni.”

Kul Nmò 19:15

Okóm mom monen mò kul yóm busaw, monen, “Tngónu Jisas, ne tngónu se Pol, okóm yu, là kô tngónu kuy.”

Matyu 7:3

Moen se ke snolò tenngel ye huling kdumu ye igoen tolo wen bótóng geblekel lem yóm kuy mata?

Matyu 7:4

Tedu kmò kton ye mkó du yóm huling kem dumu ye ke tolo wen yóm bótóng geblekel lem yóm kuy mata?

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”