Matyu 7:29 - Udél Dwata: Gna Kesfasad ne Lomi Kesfasad

²⁹ abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Matyu 7:29 Referans Kwoze

Kun Snulat Luk 20:8

Ne bud mon Jisas se, “Ke là bnalà ye du yóm dou snólók ni, là se tulónu du kuy yóm gónón lemwót yóm kwalisu mò du ni kem gel nmou ni.”

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Kul Nmò 6:10

Okóm là kô le gemmò béléen, abay se yóm Tulus Dwata bemlay ke Stéfén khulung mudél.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Matyu 5:32

Okóm yóm dou tulón kuy, là hyuhen yóm logi ke tódô kóhen yóm yehenen igoen là mdà du. Ke bud myehen dumu logi yóm libun yó, deng mdà yehen se kun, okóm yóm logi gna yehenen, du buten yóm kegsalaen. Ne yóm logi bud myehen du yóm libun yó, bud salaen bè Dwata se kun.”

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Matyu 7:28

Yóm deng ktulón Jisas du kdê ni kem ni, tey kehtaw le du yó kem tau sbung,

Matyu 8:1

Timbow deng kól gu lem bulul Jisas bè yóm ktoloken ditu, tey tau bud muluk huli du.