Matyu 7:28 - Udél Dwata: Gna Kesfasad ne Lomi Kesfasad

²⁸ Yóm deng ktulón Jisas du kdê ni kem ni, tey kehtaw le du yó kem tau sbung,

Matyu 7:28 Referans Kwoze

Kun Snulat Luk 4:32

Ne tey keseftaw le du yóm ktoloken, abay se alì mfasang.

Mark 1:22

Tey keseftaw le du yó kem tau hmungol du, abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Kun Snulat Jan 7:46

Mon le se, “Laen kô dù tau gemsenged du udélen tum tau tu.”

Mark 6:2

Timbow deng bud kól bè yóm Kdaw Kehegnô, yó nmò Jisas tmolok bè yóm kul gónô gel stifun yó kem Ju bè yó. Tey tau wen stifun hmungol du, ne tey ketnga le, mon le, “Gónón ma du yóm alì khulungen tmolok nim tau ni? Ne gónón lemwót yóm tey ketngónen? Tedum mò kmoen du yó kem hentaw ton gel nmoen?

Kun Snulat Luk 4:22

Tódô kdê le gotu beyen hmungol du. Tey keseftaw le du yóm klinggel yó kem udél gel btang gu bè sumóngen, mon le, “Igò sem ni du yóm ngà Jusif.”

Kun Snulat Jan 7:15

Bè yóm ktoloken bè yó, tey ketnga yó kem Ju wen glalen, mon le, “Moen ke alì temngón nim tau ni? Là sem dengen mnagì.”

Matyu 22:33

Yóm kungol le yóm ktolok Jisas, ya tey ketnga le du yó kem tey tau wen sbung bè yó.

Kun Snulat Luk 19:48

Okóm laen dù lan le gemhatay du, bà mon se yóm tey tau wen gel hmungol yóm ktoloken, ne tey kehteneb le hemklingu du yóm gel tulónen.

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Matyu 26:1

Timbow deng ni kem tulón Jisas kul ni, ominen mon du mò yó kem gel lemolò du,

Matyu 11:1

Timbow deng kehlau Jisas yó kem sfolò lewu gel lemolò du yó koni, ominen lemwót na a tmolok bè yó kem dumu benwu hmilol bè yó.

Kem Lingón 45:2

Uu se, yóm hol knóón logi bè kdéen. Yó kem udélem, hono gemtóbóng bè kem dumuhem, abay se laen kô tul sónen yóm tendo któbóng Dwata kóm.

Matyu 19:1

Timbow deng ktulón Jisas ni kem ni, ominen bud lemwót, tnagaken prubinsya Galili, mógów etu bè yó kem dumu benwu bè prubinsya Judiya fi fatu yóm él boluyen Jurdan.

Matyu 7:27

Ne e demsù tey kulón bong, ngangen ne dmunuk él, ne mbel se yóm tey lenos bong, ne tódô senloben yóm gónô yó, ne tódô kendel hugón, ya tey sidek kegbaen.”

Matyu 7:29

abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Kun Snulat Luk 2:47

Tey ketnga le du yó kem hmungol du bè yóm khulungen malà kul.

Kun Snulat Luk 7:1

Tikóng deng ktolok Jisas yó kem tau, ominen hlós ebè syudad Kapérnaum.