Matyu 7:26 - Udél Dwata: Gna Kesfasad ne Lomi Kesfasad

²⁶ Okóm yóm tau hmungol udélu,” mon Jisas, “ne là nimónen du, hol lómón ke du yóm tau là hulungen hedem, hemdà gónô talak helek.

Matyu 7:26 Referans Kwoze

Kun Snulat Luk 6:49

Okóm yóm tau hmungol yóm udélu,” mon Jisas, “ne ke là nimónen du, du se mkél bè yóm tau hemdà gónô hluda, là ngelem okol heheken. Tikóng sut dunuk, lenumfaken yóm gónô yó, ya tey sidek kegbaen.”

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

Kem Udél Hlalak Tehe Selumun 14:1

Yóm libun hulung hedem tey tilob kwiten gu lem gónóen, okóm kun yóm libun book mom genbaen yóm kun gónô lemwót bè kbooken.

Matyu 7:24

“Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

Matyu 7:25

Ne e demsù yóm tey kulón bong, ngangen ne dmunuk yóm él, ne mbel se yóm tey lenos bong. Tódô senloben yóm gónô yó, okóm là kô ghugónen du, abay se deng hdaen te botu.

Matyu 7:27

Ne e demsù tey kulón bong, ngangen ne dmunuk él, ne mbel se yóm tey lenos bong, ne tódô senloben yóm gónô yó, ne tódô kendel hugón, ya tey sidek kegbaen.”