Matyu 7:25 - Udél Dwata: Gna Kesfasad ne Lomi Kesfasad

²⁵ Ne e demsù yóm tey kulón bong, ngangen ne dmunuk yóm él, ne mbel se yóm tey lenos bong. Tódô senloben yóm gónô yó, okóm là kô ghugónen du, abay se deng hdaen te botu.

Matyu 7:25 Referans Kwoze

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Kulasi 2:7

Henlel ye dé hdolil béléen, bê ye abay skó du anì baling mbegel yóm kehtahu ye lómón yóm tehe tolok le kuy. Ne tódô senflós ye dmóyón ke Dwata.

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Ifisus 3:17

Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Malakay 3:3

Yó nmoen, nan e myón kmukum. Yó kmò kkukumen, hol lómón ke yóm tau hnò blówón bukay, gotu kóhen ke wen bolen. Hol lómón yó se angat nmoen bè yó kem sfu Libay, nmoen lu tau laen dù belenen. Yó kmoen du, lómón ke lu yóm tahu blówón ne blówón bukay hnoen anì kóhen ke wen bolen, ngangen efet tódô hono tahu duhen. Ke lómón yó, gbek le bud demsù du ebè Dwata yóm dsù henmóyóen.

Kem Udél Hlalak Tehe Selumun 10:25

Sok wen glumfak gefet béléen yóm tau gel mò sidek hol lómón ke miwes klifus yóm tódô klanahen, okóm là kun yóm tau tedeng kmoen tódô kem sana yó ne kun laen kô sónen.

Matyu 7:24

“Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

Matyu 7:26

Okóm yóm tau hmungol udélu,” mon Jisas, “ne là nimónen du, hol lómón ke du yóm tau là hulungen hedem, hemdà gónô talak helek.

Matyu 7:27

Ne e demsù tey kulón bong, ngangen ne dmunuk él, ne mbel se yóm tey lenos bong, ne tódô senloben yóm gónô yó, ne tódô kendel hugón, ya tey sidek kegbaen.”