Matyu 7:24 - Udél Dwata: Gna Kesfasad ne Lomi Kesfasad

²⁴ “Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

Matyu 7:24 Referans Kwoze

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Kem Udél Hlalak Tehe Selumun 10:8

Kenmónen yó kem hlolò yóm tau hulung hedem, okóm yóm tau mò kestulón nungel heglaen knóen.

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Matyu 12:50

Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Kem Lingón 119:99

Bong he do khulung temnef senta yóm kul khulung temnef yó kem tau tmolok do, abay se do tendo eles nulón nawaw yó kem hloloem do.

Kem Lingón 119:130

Bè yóm ktolok le udélem, lómón ke layag. Balù yó kem tau laen dù tngón le, wen gwa le du.

Kem Udél Hlalak Tehe Selumun 14:8

Yóm khulung tau milô hetngón du du yóm kun kmò kekdol, okóm yóm tau book, gsukat bè ksalà kehedemen.

Kem Udél Hlalak Tehe Selumun 10:25

Sok wen glumfak gefet béléen yóm tau gel mò sidek hol lómón ke miwes klifus yóm tódô klanahen, okóm là kun yóm tau tedeng kmoen tódô kem sana yó ne kun laen kô sónen.

Kem Udél Hlalak Tehe Selumun 12:7

Gotu le meglà ne là kô wen bud sfu le yó kem tau gel mò sidek, okóm yó kem tau tedeng kmò le laen kô sónen yóm kul sfu.

Matyu 7:25

Ne e demsù yóm tey kulón bong, ngangen ne dmunuk yóm él, ne mbel se yóm tey lenos bong. Tódô senloben yóm gónô yó, okóm là kô ghugónen du, abay se deng hdaen te botu.

Matyu 7:26

Okóm yóm tau hmungol udélu,” mon Jisas, “ne là nimónen du, hol lómón ke du yóm tau là hulungen hedem, hemdà gónô talak helek.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Matyu 25:2

Limu bélê le yóm là hulungen hedem, ne limu se hulung hedem.

Matyu 25:4

Okóm eles wen kul lenagas nwit yó kem libun hulung hedem.

Matyu 25:9

Ne mudél se yó kem libun hulung hedem, mon le, ‘Là bud gsakufen kuy ne nim kum lenagas ni. Tódô ye na a bemli kuy ne bè tindà.’ Tahu se, na le e bemli yó kem libun là hulung hedem.

Sulat Pol Ebè Yó Kem Tau Hemtahu Bè Rom 2:13

Là kô bè ketngón tau yóm hlau gónón tedeng kton Dwata kul, okóm bè kimón le du gónón tedeng ktonen kul.