Matyu 7:23 - Udél Dwata: Gna Kesfasad ne Lomi Kesfasad

²³ Okóm,” mon Jisas, “angat monu mò kul, ‘Là kô tngónu kuy. Hlayuk ye béléu, yu kem tau gel mò sidek.’ ”

Matyu 7:23 Referans Kwoze

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Kem Lingón 6:8

Ó kem tau gel mò sidek, hlayuk ye béléu, yakà deng gungol Dwata du yóm kkiku.

Kun Snulat Luk 13:27

Okóm yó mom angat bud balaen kuy, monen, ‘Là kô tngónu du gónó ye gu lemwót. Hlayuk ye béléu, yu kem tau gel mò sidek.’

Kun Snulat Luk 13:25

Abay se angat nseng yóm fun gónô yóm bak dólen. Angat tey ktaba ye doli beng, angat mon ye, ‘Lenungkaem kum dé, Sér, nim seng bak dólem nii.’ Ne yó mom angat balaen kuy yóm fun gónô, monen, ‘Là kô tngónu du gónó ye gu lemwót.’

Matyu 25:12

Okóm mom mon yóm logi myehen, ‘Bê. Là kô tngónu kuy.’

Kun Snulat Jan 10:14

Ou se,” mon Jisas, “yóm tau hyu kesegyoken ubiha. Gotu tngónu yó kem dou ubiha ne tngón le se ou kul,

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Kem Lingón 5:5

Yó gónóm mon, là kô le gdà bè soluhem yó kem tau heklabak. Tey keklitem kul yó kem tau gel mò sidek.

Kem Lingón 119:115

Yu kem tau gel mò sidek, hlayuk ye béléu, yakà són hlau yóm do Dwata yóm dou lolò.