Matyu 7:19 - Udél Dwata: Gna Kesfasad ne Lomi Kesfasad

¹⁹ Yóm koyu là hyu kbunguhen, tódô nofok kmò du, ne tudà elem ofi.

Matyu 7:19 Referans Kwoze

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Hibru 6:8

Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.

Kun Snulat Luk 3:9

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu là gulit kbunguhen, angat senfeken, ne tódô legas elem ofi.”

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Danyél 4:14

Hgelen udélen, monen, “Nofok ye nim koyu ni, gotu nlós ye hangahen. Gotu kó ye dounen ne gotu bulét ye kem bunguhen. Gotu lo ye lu yó kem ógóf hgolung laanen ne hlikò ye lu yó kem onuk koyu smala tahen.

Matyu 7:18

Yóm koyu hyu, là kóen na a sidek kbunguhen. Dalang se yóm koyu sidek, là kóen na a hyu kbunguhen.

Taytus 3:14

Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.