Matyu 7:16 - Udél Dwata: Gna Kesfasad ne Lomi Kesfasad

¹⁶ Angat dilô ye lu bè kmò kekdol le. Hol lómón yóm hulu, sal gel dilô ye bè bungu le. Laen kô koyu semnual mungu soging. Ne laen se leteng mungu kmatì.

Matyu 7:16 Referans Kwoze

Sulat Jim 3:12

Laen dù koyu fig ke mungu bungu ulib. Ne laen dù grép ke mungu bungu fig. Ne laen dù él tahu gwahem bè él mohin.

Matyu 12:33

Bud mon Jisas mò kul, “Yóm koyu hyu, hyu se kbunguhen. Ne yóm koyu sidek, sidek se kbunguhen. Tódô ket koyu mungu, sal dilóem bè kmò kbunguhen ke hyu duhen ke sidek.

Matyu 7:20

Yó gónóm mon, tódô dilô ye bè kmò kekdol le yó kem tau lembù tmugod ke Dwata.”

1 Samwél 24:13

Lómón yóm gel mon le, ‘Són yóm tau sidek kehedemen yóm tau gel mò du yóm sidek.’ Duhen yó, hol hentahuhem nim monu ni, là kô gbeku du ke hensideku uu.

Kem Udél Hlalak Tehe Selumun 20:11

Balù yóm ngà sana kdilô du bè yó kem nmoen ke laen dù kéngen duhen ke tedeng kmoen.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”