Matyu 7:15 - Udél Dwata: Gna Kesfasad ne Lomi Kesfasad

¹⁵ “Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.

Matyu 7:15 Referans Kwoze

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

Matyu 24:11

Angat tey dê tau sut lembù tmugod ke Dwata, ne tey dê tau gsukat bélê le.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

2 Pitér 3:17

Okóm kuy, kem weu, deng eles gel tngón ye yóm monu yó koni. Yó gónóm mon, hol ye eles htigel anì là gmung ye du yóm kéng gel tolok yó kem tau gel mò sidek yó. Ngem kà lanahen bélê ye yóm tahu duhen deng lolò ye ke tô nmung ye lu.

Kun Snulat Luk 6:26

Tey kodu ye kuy kem tau gel sendóyón kem dumu tau ni kmoen ni. Senged snéen ekni yóm tehe gel kesdóyón yó kem tehe fù le yó kem tau tehe gel lembù tmugod ke Dwata.”

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Flipay 3:2

Hol ten-gama ye yó kem tau sidek nmò le, kem tau alì sekban, kem tau alì móyô mò du bélê ye yóm tmulì.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Deng Hegfan 16:13

Ominu yó tódô mton yó kem tlu busaw alì sidek halas le, hol lómón ke fak ktonu kul. Hesut le gu lem bak yóm swaga, ne gu lem bak yóm lóbô tanay sut, ne gu lem bak yóm fen tmugod kul.

Ifisus 5:6

Bê ye abay hegsukat bè yó kem tau gel smonol du yó kem monu yó koni. Lemwót bè yóm gel kmò le du, gnóm le he yóm tey kebut Dwata kul yó kem tau là mimón du.

Kul Nmò 13:40

Yó gónóm mon du, hol ye eles temgama anì là getdoken ebélê ye yó kem tehe udél yó kem gna tugod Dwata ekni, yóm mon le,

Kun Snulat Jan 10:12

Okóm yóm tau olon semgyok ubiha lemwót bè yóm gel ksukéy le du, ke sok sut yóm ógóf lóbô gu lem bnes, tódô mlóy yóm tau yó, gtagaken yó kem ubiha sen-gyoken, abay se sundu kun ubiha du, ne là du du yóm tau hol semgyok kul. Yó nmò yóm ógóf lóbô sut yó, wen ubiha kenfóen, ne gotu senklahen lu yó kem dumu.

Matyu 16:11

Là kô na e mambang du tendoken yóm tulónu yó koni. Mò ye là gmileb du du yóm monu? Hol ten-gama ye yóm kul bulung henok mambang yó kem Farisi ne yó kem Sadyusi.”

Matyu 16:6

Ne wen udél Jisas ebélê le, monen, “Hol ten-gama ye yóm kul bulung henok mambang yó kem Farisi ne yó kem Sadyusi.”

Matyu 10:17

Eles ye temgama, abay se angat wen kem tau kemfô kuy, nit le yu ebè yóm gónó skukum, ne nabid nfes le yu bè yó kem kul gónô gel stifun yó kem Ju.

Sikaraya 13:4

Bè yóm kdaw yó, ket tau tmugod bè dwata kéng, sal bud mulék myak du bè yóm bud tulónen. Là bud leseken du ne yóm nes gel lesek yóm tugod Dwata tehe gel leseken, mò smukat kem dumun.

Jirimaya 29:32

yó kmou du, tnafaku homongu yó kem fes lówóhen. Laen dù bè yó kem sfuhen mton du yóm hyu angat nmou bè yó kem tauhu, abay se mom toloken yu là mimón dou. Ou se Dwata nim mudél ni.’ ”

Jirimaya 29:21

Ni se udél yóm Dwata laen dù là gbeken du yóm Dwata yó kem tau Israél, udélen ebè le Ahab yóm ngà Kulaya logi ne ebè Sidikaya yóm ngà Maasiya logi, kem tau lembù tmugod du gel hlan le bè boluyen yóm kéng gel tulón le. Yó udél Dwata ebélê le, monen, suu lu elem hólól Nibukadnisar mò hol hmatay kul lem blóng tau.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Kul Nmò 13:6

Kewót le bè yó bè Selamis, tódô hnalak le kól bè Pafus, nô bè doli yóm benwu udì te mohin yó. Bè yóm benwu Pafus yó, wen tau wen lamaten nô bè yó, boluyen Bar-Jisas. Ju snéen kun. Gel monen du se sotu tugod Dwata kun.

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

Matyu 7:14

Okóm tey sikeb yóm bak tikeb ebè yóm klowil laen dù sónen, ne tey mgel lemolò du yóm lan edu, ne là kóen hol wen tau mton du.”

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.