Matyu 7:14 - Udél Dwata: Gna Kesfasad ne Lomi Kesfasad

¹⁴ Okóm tey sikeb yóm bak tikeb ebè yóm klowil laen dù sónen, ne tey mgel lemolò du yóm lan edu, ne là kóen hol wen tau mton du.”

Matyu 7:14 Referans Kwoze

Matyu 22:14

Bud mon Jisas, “Hol lómón yó se yóm nmò Dwata. Tey dê tau tinoken, okóm là holen wen néléken.”

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Mark 8:34

Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Matyu 20:16

Ne bud mon Jisas mò kul, “Yó kem ghuli ni kmoen ni, angat bud gegna. Ne yó kem gegna ni kmoen ni, angat bud ghuli.”

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Isaya 57:14

Yó udél Dwata, monen, “Hulék ye lu ebéléu yó kem dou tau. Kó ye bélê le yó kem gel hemseng kul bè lan le. Mò ye bélê le lan mò lolò le.

Sulat Pol Ebè Yó Kem Tau Hemtahu Bè Rom 9:32

Yó gónón là tedeng kton Dwata kul abay se là hlan le du bè yóm kehtahu le. Deng mom tô hlan le bè yóm kul kegbek lemolò du yó kem hlau. Deng le mom glokob du yóm bnoluy Dwata “botu”

Kun Snulat Jan 16:2

Angat là bud hmung le kuy bè yó kem gónó ye gel stifun. Angat wen kdaw le hmatay kuy yó kem tau. Ofo kul mò du yóm yó, ke yó yóm hyu bè Dwata.

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

Matyu 7:13

“Hol hnusek ye yóm bak tikeb sikeb, abay se yóm bak tikeb ebè yóm lanaw ofi, tey lamang, ne tey mahil yóm lan edu, ne tey tau wen lemolò du.

Matyu 7:15

“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.