Matyu 7:13 - Udél Dwata: Gna Kesfasad ne Lomi Kesfasad

¹³ “Hol hnusek ye yóm bak tikeb sikeb, abay se yóm bak tikeb ebè yóm lanaw ofi, tey lamang, ne tey mahil yóm lan edu, ne tey tau wen lemolò du.

Matyu 7:13 Referans Kwoze

Kem Udél Hlalak Tehe Selumun 16:25

Wen se atul lómón tô tedeng bè kehedem tau du, okóm yó sónen hatay.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Jan 10:9

Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Deng Hegfan 20:3

ne tódô tudaen elem tum sol leyóng. Ominen yó bud tmikeb du ne kendaduhen, ne wen ilô nmoen tahen anì là gekà le du. Yó gónóhen bmanggù ke Seitan anì là bud gsukaten kul yó kem tau bè klamangen benwu efet kdeng yóm lemibu halay. Okóm kogol yóm lemibu halay yó, na le bud hliwà likót.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Tekang Kbuten 6:12

Laen dù tau ton Dwata talak tonok ke nô bè nawahen yóm hyu. Tódô kdê le gotu mò sidek.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Sulat Pol Ebè Yó Kem Tau Hemtahu Bè Rom 9:22

Senged se bè Dwata, ke kun kóyô htonen yóm tey kebuten ne yóm kegbeken bè yó kem tau gel mulé du, duhen ke nan bud hanay nawahen ebélê le, balù yóm deng kegtuled le.

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Kun Snulat Luk 9:33

Timbow le skó ke Jisas yó kem lewu tau yó, hebkó mudél ebéléen Pitér, monen, “Tey hyu ni, Sér, deng me nô bè ni. Hdà me tlu lowig bè ni, sotu kóm, sotu ke Musis, ne sotu se ke Ilaydya.” Okóm là kô tngón Pitér du yóm monen yó.

Kem Udél Hlalak Tehe Selumun 7:27

Yóm kun gónô lómón ke lan ebè yóm gónó le nô yó kem tau matay ne ke mógówi e du matayi.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Matyu 7:14

Okóm tey sikeb yóm bak tikeb ebè yóm klowil laen dù sónen, ne tey mgel lemolò du yóm lan edu, ne là kóen hol wen tau mton du.”