Matyu 7:12 - Udél Dwata: Gna Kesfasad ne Lomi Kesfasad

¹² Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Matyu 7:12 Referans Kwoze

Kun Snulat Luk 6:31

Yó se kuy nóyô nmò tau bélê ye, yó se kuy gna nmò bélê le.

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Isikél 18:21

Okóm ke tenfloken yóm kmoen sidek yóm tau yó ne ke gulit kloloen du yó kem dou hlau ne ke nmoen yóm tedeng ne yóm hyu, là kóen kendel matay yóm tau yó, fen mowil se kun.

Matyu 5:17

Bud mon Jisas, “Bê ye tô hendem ke yó hendufu edini naw e kó yó kem tehe hlau Musis ne yó kem tehe gel tolok yó kem gna tugod Dwata. Là kô yó du. Là kô kóhu kul. Nim nógówu edini ni, naw e dnohò yó kem deng tehe eles tolok le yó.

Sulat Jim 2:8

Tey hyu ke nimón ye yóm hlolò Dwata yó kem tau nogoten, duhen yóm sotu hlau nô lem Sulaten, yóm monen, “Kenbong nawahem kem dumum lómón kbong nawam yóm kóm knô.”Okóm ke kmihu ye lemwót bè yóm gel ton ta, salà se yó. Ne lemwót bè kulé ye du yóm hlau yó koni, yó se gónó ye megtuled.