Matyu 6:9 - Udél Dwata: Gna Kesfasad ne Lomi Kesfasad

⁹ Duhen yó, ke mni ye bè Dwata, ni dé kmò ye du, mon ye, ‘Mà me bè longit, kóyô me ke kdéen tau hol madat yóm kóm boluy.

Matyu 6:9 Referans Kwoze

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Isikél 36:23

Angat hegfanu bè yó kem tólóng tau yóm klaen dù belenen yóm dou boluy, yóm boluy deng gomong myak bélê ye bè yó kem dumu benwu. Ne ke deng hegfanu bélê le yóm klaen dù belenu hlanu bélê ye, omin le yó he temngón du yó kem tólóng tau bè dumu benwu ou se yóm sana Dwata hol gónó mogot. Ni se udél yóm sana Dwata hol dandónen geta.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Kem Lingón 111:9

Deng hol tahu nsoken yó kem tauhen. Laen dù tul sónen yóm fasaden kul. Laen dù belenen yóm kun boluy, botong wen klikò te du.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Deng Hegfan 5:12

Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Matyu 7:11

Balù yóm kuy là kgulit,” mon Jisas, “sana khulung ye bemlay kem ngà ye yóm hyu bélê le. Milud he yóm Mà tekuy bè longit. Ke wen hni ye béléen, angat wen tey hyu blayen kuy.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Kem Lingón 72:18

Hol dóyón tekuy Dwata, yóm kut Dwata kem tau Israél. Tek són du gembek mò kul ni kem hyu hnihu ni koni.

Matyu 26:29

Tódô tulónu kuy, hatan bud ninumu he nim ninum ni ke deng kól bè yóm kdaw angat kinum tekuy yóm ninum lomi bè yóm kun benwu nogot Mà.”

Matyu 23:9

Ne hol béen abay wen tnaba ye ‘Mà’ bè yó kem tau genlal ye te tonok. Abay se tek sotu Mà ye, duhen yóm Mà tekuy bè longit.

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

2 Tutul Israél 20:6

Mni bè Dwata, monen, “Ó Dwata yóm Dwata yó kem tehe fù me, tek són uu se yóm Dwata nô bè longit. Uu se mogot kul yóm kdéen benwu tau talak tonok. Teyi mfasang, ne gotu gbekem kdéen. Laen kô dù gembek kóm.

Kun Snulat Luk 15:18

Tódóe bud mulék ebè mà dé ni, ne yó angat monu mò du, ‘Mà, tey salau bè Dwata, ne tey salau béléem snéen.

Sikaraya 14:9

Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.

1 Bok Kem Tau Hol Geta 8:43

hol hnungolem yóm hni le bè yóm gónóhem nô dyó bè longit ne blayem kul yóm hni le béléem yó. Ke yó nmoem tódô kdéen tau bè klamangen benwu, angat temngón kóm ne angat wen klikò le kóm, lómón yóm kul gel nmò yó kem tauhem Israél. Omin le yó he angat temngón du yóm Gónô Dwata hdau ni mò gónó mit du yóm kóm boluy.

Hbakuk 2:14

Okóm angat wen kdawen tódô kdéen tau talak tonok angat gotu temngón du yóm tey kun keklóón Dwata. Yóm ketngón le du yó, tódô lenngeben klamangen tonok lómón mohin, tódô lengeb él.

1 Tutul Israél 17:24

Hol laen kô dù tul sónen he kegdóyón yóm boluyem ne yó angat mon yó kem tau, ‘Yóm kul Dwata yó kem tau Israél, du se yóm Dwata laen dù là gbeken du.’ Ne angat tey kehbegelem du bè soluhem yóm kogot le benwu yó kem ktol Dabid, yóm tau tóbóng lówóhem.

2 Samwél 7:26

Angat tey megdóyón yóm boluyem ne laen kô dù tul sónen, ne yó angat mon yó kem tau, ‘Yóm kul Dwata yó kem tau Israél, Dwata laen dù là gbeken du.’ Ne angat tey kehbegelem du bè soluhem yóm kgeta yó kem sfu Dabid yóm tau tóbóng lówóhem.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kun Snulat Luk 15:21

Ne yó mon yóm logi mò ke maen, monen, ‘Ó Mà, tey salau bè Dwata, ne tey salau béléem snéen. Là buden knóón ne ke bud tô ngaem ou.’

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Matyu 6:14

Ke hnifót ye salà yó kem gemsalà bélê ye, hnifót yóm Mà tekuy bè longit snéen yóm kuy salà.

Matyu 6:6

Okóm bélê ye kuy, ke mni ye bè Dwata, ditu lem dfél ye gónó ye mò du, ne hyu tnikeb ye beng ye, ne mni ye bè yóm Mà tekuy bè longit, yóm là ton mata du. Ne yóm Mà tekuy yó, tódô tonen yóm là kehetngón ye du bè dumu tau, ne du he angat bemlay kuy ofol.

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Matyu 26:42

Bud kewót Jisas bè yó bè gewuhen dulék, ne bud mni bè Dwata. Yó utóm yóm knihen, monen, “Ó Mà, ke là se hyu mkó du béléu yóm angat tey hlayamu ni, tódô henlósem sen yóm kóm kóyô.”

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Matyu 10:29

Ngem yó kem ngà onuk bnes gel hbalù le, tek slad bli yóm lewu botù. Balù yóm kul là kebtes, là kóen na e tódô mosok ebè tonok yóm sotu ke là deng eles tngónen du yóm Mà tekuy bè longit.