Matyu 6:6 - Udél Dwata: Gna Kesfasad ne Lomi Kesfasad

⁶ Okóm bélê ye kuy, ke mni ye bè Dwata, ditu lem dfél ye gónó ye mò du, ne hyu tnikeb ye beng ye, ne mni ye bè yóm Mà tekuy bè longit, yóm là ton mata du. Ne yóm Mà tekuy yó, tódô tonen yóm là kehetngón ye du bè dumu tau, ne du he angat bemlay kuy ofol.

Matyu 6:6 Referans Kwoze

2 Bok Kem Tau Hol Geta 4:33

Tódô hlós elemen, ne tnikeben yóm bak dól ne mni ebè Dwata.

Matyu 14:23

Timbow le deng gotu lemwót, lemwót se ke Jisas kun elem bulul tek sotuhen lanen na a mni bè Dwata. Ngangen nô bè yó lem bulul efet kifu tek sotuhen.

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Kul Nmò 9:40

Na gotu hefewà Pitér lu yó kem libun yó. Ominen mtud bukolen, ne mni bè Dwata. Deng knihen, tódô beklil ebè yóm matay, monen mò du, “Ó Tabita, btiki ne.” Tahu se, tódô kendel henmungen mukat yóm libun yó. Bè yóm ktonen ke Pitér, ominen tódô hboluk myón.

Isaya 26:20

Ó kem dou tau, husek ye elem gónô ye na ye tnikeb beng ye. Hebnos ye likót efet lembó yóm kebut Dwata.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Matyu 6:18

anì là dilô tau du bélê ye yóm kmò ye du. Tek són Dwata dé temngón du, yóm Mà tekuy bè longit, yóm là ton mata du. Tódô tonen yóm là kehetngón ye du bè kem dumu tau, ne du he angat bemlay kuy ofol.

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Matyu 6:4

anì laen dù dumu tau temngón du. Ne yóm Mà tekuy bè longit, gotu tonen yóm là kehetngón ye du yó, ne du he angat bemlay kuy ofol.

Ifisus 3:14

Duhen yó, botonge mtud bukol bè solu yóm Mà tekuy.

Sulat Pol Ebè Yó Kem Tau Hemtahu Bè Rom 8:5

Yó kem tau galak bè kul knóyô, són yó ne hendem ktes le, són yó kem kul knóyô. Okóm yó kem tau galak bè Tulus Dwata, són yó hendem ktes le, són yóm kun kóyô yóm Tulus Dwata.

Kul Nmò 10:30

Mon Kurnilyus se, “Deng tlu kdawu ni ne nô ta na a mni bè Dwata. Deng dô tlu uras kimel tum tu, lómón ni se yóm kmò kdaw. Bè yóm igou tolo mni, tódô hegfan béléu yóm tau mnes sminang mdà bè soluhu,

Kun Snulat Jan 1:48

Mon Natanyél se mò ke Jisas, “Na. Kmò ketngónem do du?” Mon Jisas se, “Deng tonu uu laan yóm koyu fig, yóm gu laan Filip là deng tmaba kóm he.”

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kem Udél Hlalak Tehe Selumun 25:22

Ke ni se nmoem ebè yóm hohonem tey sidek kyaken lemwót bè yóm kehyu kmoem ebéléen ne Dwata he bemlay kóm ofol lemwót bè yóm nmoen yó.