Matyu 6:5 - Udél Dwata: Gna Kesfasad ne Lomi Kesfasad

⁵ Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:5 Referans Kwoze

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Mark 11:25

Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà.

Jirimaya 29:12

Bè yó kem kdaw yó ke mni ye béléu, hnungolu yu.

Isaya 1:15

Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

Kun Snulat Luk 20:47

Lu se yó kem tau fen gel smukat yó kem libun bolu anì gfun le gónô le, lel le alì gel htahà kni le bè Dwata, hlingu le tô mò yóm hyu. Yó se angat gónó Dwata alì tmafak kul.”

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Kun Snulat Luk 11:43

Angat tey tafak ye, yu kem Farisi. Bè yóm gel kógów ye bè gónô gel stifun yó kem Ju, kóyô ye ke hol hyón le yu bè gónó le myón yó kem tau hol nadat. Dalang se ke mógów ye bè fedyan, kóyô ye ke hol nadat tau yu.

Matyu 21:22

Ke wen kehtahu ye, balù kihu hni ye bè Dwata, guta ye.”

Kem Lingón 55:17

Keten hlafus ne kemdaw ne kifu kgefeten bè Dwata yóm tendo ktalawu ne kdolongu, ne gel hnungolen ou.

Kem Lingón 5:2

Hnungolem yóm tey kehtóbóngu ebéléem. Laen dù dumu gónóhu mni, tek són béléem, yóm Hol Geta ne yóm dou Dwata.

1 Tisalunika 5:17

Bê ye senkas mni bè Dwata.

Kun Snulat Jan 16:24

Efet ni ne, laen deng hni ye bè Dwata he ke hlan ye bè dou boluy. Mni ye dé, kaem tódô blayen kuy anì hol gsengel yóm kligal ye.”

Mark 12:38

Bè yóm ktolok Jisas kul, monen, “Hol gel ten-gama ye, kô glolò ye yóm kul kmò yó kem tau tmolok hlau. Sónmò le tendo mógów mnes heglomboy. Ne ke mógów le gu lem fedyan, kóyô le ke hol nadat tau lu.

Matyu 9:38

Hol ye mni bè Dwata dé yóm fun nuta anì wen tau hógówen mò na a muta.”

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Matyu 23:6

Ke bè gónô mò ken, kóyô le ke hol le myón desyung. Dalang se bè gónô gel stifun, kóyô le ke myón le bè gónó le myón yó kem tau hol nadat.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:1

“Ten-gama ye,” mon Jisas, “anì là olo ye hegfan du bè gónón wen yóm gel keblay ye ebè Dwata. Ke yó olo tô mu ye du yóm gel keblay ye mò gónó ye megdóyón bè gónón wen, angat laen kô dù ofol blayen kuy yóm Mà tekuy bè longit.

Matyu 23:5

Tódô kdê yóm nmò le, són hnebel le yóm ksalù tau kul. Ngem dé kbongen yóm Udél Dwata snulat bkes bè uyó le ne bè sigel le, lel le tey htahà hlumfung bè kilil nes le.

Kun Snulat Luk 6:24

Okóm yu kem tau wen kendengenen ni kmoen ni, tey kodu ye kuy, abay se angat laen kô dù bud sfuhen yóm kendengen ye yó.