Matyu 6:34 - Udél Dwata: Gna Kesfasad ne Lomi Kesfasad

³⁴ Duhen yó, bê ye tnafa nawa yóm elem haya. Yó he kehedem ye du yóm yó ke deng bangen sut bélê ye. Ke gel tnafa nawa ye yóm elem haya, olo ye mom bud temnù yó kem mgel deng gel sut bélê ye ket haya.”

Matyu 6:34 Referans Kwoze

Matyu 6:25

Yó gónóhu mon du mò kuy,” mon Jisas, “bê ye abay tnafa nawa yóm kmò kken ye, ne yóm kmò kinum ye, duhen ke kmò knes ye. Sélét mom kken ye ne là gbek Dwata du, anì sem klowil ye du, Dwata tehe mò du. Ne sélét mom knes ye ne là gbek Dwata du, anì sem lówó ye yó du, Dwata tehe mò du.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kun Snulat Luk 11:3

Benlayem mi sfeng ken me ket haya.

Lanu Jirimaya 3:23

Là gbekem hmingón du yóm tey kteneb Dwata bélê tekuy. Yóm kkoduhen tekuy, ket hlafusen tendo lomi.

Matyu 6:11

Benlayem mi sfeng ken me ket haya.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Dwata 33:25

Yó kem benwu le, hol hono bala tók he yóm bak tikeb le anì laen dù gembek husek elemen. Ne tendo menek he yóm kbenwu le.

Matyu 6:27

Laen dù tau ke gbeken tódô htahà du udì ktauhen lemwót bè alì ktafa nawahen klowilen.

Kun Snulat Luk 10:41

Okóm bnalà Jisas, monen, “Tey Marta, tey dê lenóngón nawam se kóm.

Kun Snulat Luk 12:11

Ke wen tau kmamo kuy lemwót bè yóm klolò ye do, ne ke nit le yu ebè yó kem gónó le gel stifun yó kem Ju mò gónó le kmukum kuy, duhen ke nit le yu ebè yó kem gubérnor duhen ke ebè yó kem dumu tau mogot benwu, bê ye abay tô lenóngón nawa yóm angat mò kbalà ye kul.

Kun Snulat Luk 12:22

Ne bud mudél Jisas ebè yó kem gel lemolò du, monen mò kul, “Bê ye abay tnafa nawa yóm kmò kken ye duhen ke yóm kmò knes ye.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

1 Pitér 5:7

Hbô ye ke Dwata dé yóm gel hemblat kuy, abay se tey nô bè nawahen yóm któbóngen kuy.