Matyu 6:33 - Udél Dwata: Gna Kesfasad ne Lomi Kesfasad

³³ Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Matyu 6:33 Referans Kwoze

Kun Snulat Luk 12:31

Ni dii hol nmò ye. Hogot ye ke Dwata klowil ye, ne du he angat bemlay du kuy ni kem wen mu ye du ni.”

Matyu 5:6

Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Kem Lingón 37:25

Ni denge tey tuha ne, deng tey tahà klowilu. Là kô deng wen tonu he ke tódô bayà Dwata yóm tau hyu kmoen, duhen ke gel heslaf mni ken bè kem tau yó kem ngaen.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Matyu 19:29

Ket tau, ke gloken gemtagak gónóen, ne yó kem dumuhen setwoli, ne yó kem tuhahen, kkólen bè yó kem ngaen, duhen ke tonoken lanen lemolò do, lematu dulék Dwata he bud hulék du ebéléen yóm deng gtebelen yó. Ne lelen yó he angat gmuta du yóm klowil laen dù sónen.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

2 Tisalunika 1:5

Ni kem monu ni koni mò ilô yóm tey ktedengen yóm gel kkukum Dwata tau. Yóm keglayam ye yó, yó nefeten knóón ye bè yóm kmung ye bè yó kem tau nogot Dwata. Ni se but yóm keglayam ye ni kmoen ni.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Kul Nmò 28:31

Sal gel tulónen kul yóm kmò kogot Dwata tau, ne gel tulónen yóm gbak ebè Jisas Krays yóm gónó tekuy mogot. Bè yóm gel ktulónen du, laen kô dù klikoen, ne laen se dù tau tô hemseng du.

2 Pitér 1:11

Ne angat tey khódóhen tekuy bè yóm kun benwu nogot yóm gónó tekuy mogot Jisas Krays, yóm tehe lemwà tekuy gu lem hatay. Ne yóm benwu nogoten yó, benwu laen dù tul sónen.

1 Bok Kem Tau Hol Geta 17:13

Okóm yó mon Ilaydya mò du, “Béem htafa nawam. Lemwóti ne, tnógóhem yóm dù ngà kenem yó. Okóm nahi na gna tmógó dou udì mambang, ne nitem dini. Ominem yó mò yóm kuy ken.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.

Kul Nmò 20:25

Deng gotu tulónu lem blóng ye yóm kogot Dwata tau. Ne ni,” monen, “tódô tngónu, sónen ni ne yóm kton ye lem uyóhu.

Kem Lingón 112:3

Wen tey kendengen le ne laen kô dù kmifót du yó kem hyu gel nmò le.

Kem Udél Hlalak Tehe Selumun 8:18

Béléu se gónón gu lemwót yóm kendengen laen tul ksideken ne yóm kdóyón, ne yóm ktedengen ne yóm kehyu klowil.

Kem Udél Hlalak Tehe Selumun 10:3

Là kô henus Dwata kul yó kem tau tedeng kmò le, okóm yó kem tau gel mò sidek là kô hlusen du yóm kul alì nusol.

Kem Udél Hlalak Tehe Selumun 28:10

Yóm tau snukaten yóm tau laen dù kéngen ebè yóm nmò sidek mom du bud tawan sukaten, okóm yóm tau laen dù belenen bong umunen.

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Isaya 33:6

Tey kehbegelen yóm kbenwu le ne tendo gel nofinen yó kem tauhen. Benlayen lu khulung hedem ne ketngón. Yó hol mebtes du yóm blayen kul, duhen yóm klikò le du.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Kun Snulat Jan 5:4

Gel wen kdawen kun mógów elaan yóm hógów Dwata gu bè longit nan e gel hewók yóm busung. Yó se tau gegna kmó elemen igoen tolo lemwók, tódô mkó yóm desen, balù kihu kay desen.)